यहाँ लटरम्मै सिलाम खेती छ । सिलाम खेती परम्परागत खेती हो । गाउँमा सिलाम खेती धेरैले छोडिसके । यो खेती आफै उम्रेको बाहेक स्थानीयले खेती गर्दैनन् । अचार खानको लागि सिलाम खुवै स्वादिष्ट हुन्छ । गाउँघरमा अचार खानका लागि धेरैले बजारबाट आयातित सिलाम लैजाने गर्दछन् ।

सिलाम सँगै उनले अदुवा खेती गरेका छन् । अदुवा बिक्रिबाट पनि उनले मनग्य आम्दानी गरीरहेका छन् । झिमरुक १ नं. वडाका जनप्रतिनिधि समेत रहेका शंकर पोख्रेल गाउँमा अरुभन्दा फरक काम गर्ने सोंच राख्दै आएका छन् । आफूले गाउँका युवाहरुलाई कृषि खेतीमा लाग्न आग्रह गरीरहँदा आफैले केहिँ नगरी अरुलाई सिकाउनु उत्तम नहुने भएकाले कृषि खेतीमा लागेका हुन् ।

बारीमा खेतीयोग्य जमिनबाहेक कान्लामा उस्तैगरी फर्सि समेत फलाएका छन् । मौषमी रुपमा फल्ने फर्सिलाई उनले बेमौषमी रुपमा हिउँदपछि बिक्रि गर्दै आएका छन् । यो फर्सिलाई उनले सस बनाउने कम्पनी पठाउँदै आएका छन् । त्योसँगै उनले परिक्षणका लागि १ सय पोलमा ४ सय ड्रयागन खेती समेत थालेका छन् ।

यो वर्ष परिक्षण भएकाले राम्रो रुपमा उत्पादन भएमा यो खेती गाउँभर बिस्तार गर्ने लक्ष्य राखेका छन् । गाउँमा परम्परागत रुपमा गरीने खेतीलाई बिस्तार गर्दै पोख्रेलले हलेतो खेती समेत गरीरहेका छन् । हलेतो खेती बिस्तारका लागि उनले बिउ बेचेरै मनग्य आम्दानी लिइरहेका छन् ।