![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2021/11/Book-364x400.jpg)
मगर परिवार नेपालले हाम्रो मगर भाषा नामक किताब प्रकाशन गर्ने भएको छ । २०७८ कार्तिक २९ गतेदेखि यो अभियान सुरु भएको हो । ‘सबैले सिक्नुपर्छ मगर लिपि सहितको ज्ञान, सहयोग गरि सफल पारौं भाषा अभियान’ भन्ने मुल नाराका साथ यो अभियान सुरु भएको छ ।
अभियान सुरु भएको पहिलो दिनमै रोल्पा जिल्ला थबाङ्ग गाउँपालिका- २, थबाङ्ग निबासी हाल वैदेशिक रोजगारको सिलसिलामा साउदीमा कार्यरत बिपिन झाक्री मगरले नगद रु. ३ लाख सहयोग गरेका छन् ।
मगर परिवार नेपालले मगर लिपि सहितको ३ वटै मगर भाषा र नेपाली अंग्रेजी सहितको किताब छापिने र देशैभरका मगर बस्तीमा एक घरमा एक किताब निशुल्क पुर्याउने लक्ष्य राखेको छ ।
२९ गतेबाट कभर तथा किताबको नमुना फेसबुक ग्रुप तथा अन्य सामाजिक माध्यमहरुबाट सार्वजनिक गर्दै सम्पुर्ण मगरहरुलाइ याे महान अभियानमा सहभागी हुन अपिल समेत गरेको छ। लिपि सहितको मगर ढुट, खामपाङ, काईके, नेपाली र अंग्रेजी भाषामा किताब छाप्ने निर्णय संस्थाले गरेको छ ।
किताब छाप्नको लागि संरक्षकको रुपमा नेपाल मगर संघ केन्द्रीय समिति रहनेछ भने नेपाल मगर लेखक संघ केन्द्रीय समितिलाई किताब लेख्न जिम्मा दिईने भएको छ । प्रकाशक मगर परिवार नेपाल (MPN) रहने भएकोले यो अभियानमा सम्पुर्ण मगर समुदायले हातेमालो गर्न समेत आग्रह रहेको अध्यक्ष प्रनिश आले मगरले जानकारी दिए ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)