२०८२ चैत्र २२ गतेऐरावती गाउँपालिका–१ छेडाघाटमा आगलागी हुँदा १३ घरगोठ जलेर नष्ट भएका छन् । गएराती भएको आगलागीमा ९३ लाख ५० हजार बराबरको क्षति भएको प्रारम्भिक अनुमान प्रहरीले गरेको छ ।
स्थानीय लक्ष्मण रानाको फुसले छाएको गोठबाट शुरु भएको आगो रातभर लागेको जिल्ला प्रहरी कार्यालय प्यूठानका प्रहरी प्रमुख डिएसपी नरहरी अधिकारीले बताए । तिब्र गतीमा हाबाहुरी लागेकाले स्थानीयले समयमै आगो नियन्त्रणमा लिन नसकेकाले ठूलो क्षति भएको स्थानीयले बताए । आईतबार बिहान मात्र आगो नियन्त्रणमा आएको डिएसपी अधिकारीले बताए ।
आफूहरु अहिले आगलागी स्थलमै रहेको प्रमुख जिल्ला अधिकारी शान्तिराज प्रसाइले बताए । ‘अहिले आगो पूर्ण रुपमा नियन्त्रणमा लिने काममा लागेको छौ,’ उनले भने,‘आगो नियन्त्रणमा आइसकेपछि तत्काल उपलब्ध गराउने राहत प्रदान गर्ने छौ ।’ त्यसको लागि स्थानीय सरकार, रेडक्रस लगायत संघसस्थासंग समन्वय भइरहेको प्रसाइले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
