बिहानै उठ्छन् । घोडालाई दाना पानी गरि घोडा डोराउँदै काम गर्न हिड्छन बलबहादुर सुनार । स्वर्गद्वारी नगरपालिका ३ रुमालेका सुनारको दैनिकी यस्तै काम गर्दै बितेको चौध वर्ष भइसक्यो । स्वर्गद्धारीमा आउने पर्यटककालाई धरमपानीबाट स्वर्गद्वारी पु¥याए वाफत पाउने पैसाले उनको परिवार पालिएको छ । धानिएको छ ।

उनले दैनिक एक हजार देखि ५ हजार सम्म कमाएका बताउँछन् । सुरुमा १० हजार लगानी मार्फत घोँडा खरीद गरी उनले यो काम गर्न थालेको हुन् । ‘पर्यटकहरुका लागि घोडा सहज छ ।,’ उनले भने, ‘फोटा खिच्न र घोडा चड्न पर्यटक रुचाउछन् ।’ यो समय पर्यटक आउने सिजन भएकोले आम्दानी राम्रै हुने गरेको उनको भनाई छ ।

स्वर्गद्धारीमा आउने पर्यटकका लागि सुनारले जस्तै अन्य व्याक्तिहरु यो व्यवसाय गरिरहेका छन । सोहि ठाउँका जसलाई घोँडाले रोगजारी दिएको छ भिम सुनारले विगत ४ वर्षदेखि घोँडा मार्फत काम गरी घर व्यवहार चलाएका छन । पर्यटकहरुलाई जति आकर्षण गर्न सकियो उति आम्दानि बढ्ने सुनारले बताए । दैनिक यहि पेशा गर्दा काम गर्न सहज हुँदै गएको उनले बताए ।

‘मुसुक्क हास्दै भने, ‘पैसा झार्ने पनि कला चाँहिदो रहेछ । जसले बढि काला जान्यो उसैले बढि पैसा कमाउछ ।’ भिम बहादुर र बल बहादुर जस्तै सोहि ठाउँका ११ वर्षका भुवन सुनारले पनि प्रत्येक शनिवार घोँडा डो¥यादै स्वर्गद्वारी पुग्छन् । ‘अरु बार स्कुल जान्छु’ भुवनले भने, ‘अरुबेला बुवाले काम गर्नुहुन्छ शनिवार म आउँछु । ’

बुवालाई सहयोग पनि हुने काम गरे पछि विद्यालय जाँदा कपी किताव र नास्ताखाने पैसा पनि हुने भएकोले प्रत्येक शनिवार छुट्टीको दिन बुबालाई पाले दिने गरेको भुवनले बताए । आफुले कमाएको पैसा केहि बुवालार्य दिएर केहि खुत्रुकेमा पनि बचत गर्ने गरेको सुनारले सुनाए ।

पर्यटकहरु घोडामा चड्न पाउदा खुसी हुदै पैसा दिनुहुन्छ त कसैकसैले हप्काउदा डर पनि लाग्ने गरेको उनले सुनाउछन । स्वर्गद्धारीमा पर्यटकहरुको धेरै आउने समयमा कमाई पनि बढ्ने हुनेगरेको घोडा व्यवसायीहरु बताउँछन । स्वर्गद्धारीमा उनिहरु जस्तै आधादर्जन मानिसहरुको व्यवसाय यस्तै छ । घोडामा चढेर फोटो खिचेको पचास रुपैयाँ र घोडामा मन्दिर सम्म पु¥याए वाफत २ सय देखि शुल्क यहाँका घोडा व्यवसायिहरुले लिने गर्दछन् ।