प्रदेश अस्पतालहरुको न्युनतम सेवा मापदण्ड कार्यन्वयन कार्यक्रम अन्तर्गत प्यूठान अस्पताल तेस्रो स्थानमा परेको छ । अस्पतालले हालसम्म प्रदान गरेको सेवाको आधारमा ७४ प्रतिशत प्रगति भएको देखिएको छ । प्रदेश सरकार लुम्बिनी प्रदेश स्वास्थ्य तथा परिवार कल्याण मन्त्रालय स्वास्थ्य निर्देशनालय बुटवलको आयोजनामा पुुस १८ र १९ गते प्यूठान अस्पतालमा गरेको हो । गत आर्थिक वर्षमा ५९ प्रतिशत लिएको र यस वर्ष तुलनात्मक हिसाबले सेवाको प्रगति भएको तथ्यांकले देखाएको छ ।
अस्पतालको भौतिक संरचना देखि काम, कर्तव्य र जिम्मेवारी, समय पालन, अनुसाशन, वार्ड व्यवस्थापन यि सबै कुराको रेखदेख तथा मुल्याङ्कन गर्दा जम्मा ९ सय ३९ अंक प्राप्त गरि ७४ प्रतिशत प्राप्त गरेको हो ।
२०४५ सालमा स्थापना हुँदा अस्पतालमा जम्मा १५ वेद थिए, २०७३ सालमा आउँदा ५० वेदको बनेको छ भने १ सय १७ कर्मचारि छन् । लुम्बिनी प्रदेशका १२ जिल्लामा १३ अस्पताल छन् जसमध्ये प्यूठान अस्पताल हब अस्पतालमा रुपान्तरण भई से्वा दिईरहेको छ ।
अस्पतालले हालसम्म दिएको सेवा र अन्य गतिविधि प्रस्तुत गर्दै बरिष्ठ मेडिकल सुपरिटेण्डेण्ट डा. नबिन दर्नालले अक्सिजन प्लान्टको सेवा विद्युतको समस्याले सुरु नगरेको र यो सेवाको लागि छुट्टै ट्रान्सफर्मरको आवस्यक पर्ने भएकोले सुरु गर्न नसकेको जानकारि दिए । ‘सुविधा सम्पन्न भवनको अभावले सबै सेवा दिन सकेका छैनौं दन्तसेवाका लागि भने चाहेजस्तो सेवा दिन सफल भएका छौं,’ उनले भने ।
अस्पताल तथा न्युनतम मापदण्ड सेवा लागु भएका स्वास्थ्य संस्थाहरुले सुशासन तथा ब्यवस्थापन , उपचारात्मक सेवा ब्यवस्थापन र अस्पताल सहयोग सेवा यी तिन वटै पक्षमा रहेर समग्र अस्पतालको कार्य राम्रो हुनुपर्ने हुन्छ । साथै यस अस्पतालमा दन्तसेवा, ओपिडी सेवा, इमर्जेन्सी र ओपिडी वार्ड व्यवस्थित हुनुका साथै आवस्यक कर्मचारी भएको तर टिवाई कमिटी, फार्मेसी संचालन कमिटी बनाउनु पर्ने न्युनतम सेवा मापदण्डका स्रोत व्यक्ति महम्मद नरुल होदाले बताएका थिए ।
यस्तै सामुहिक कार्य गर्न र नियमित रुपमा अस्पतालका सबै कर्मचारीले आफ्नो सेवामा पुर्ण विश्वासका साथ सेवा दिए अस्पताल अझै सफल हुने स्वास्थ्य निर्देशनालयका निर्देशक विनोद कुमार गिरिले बताएका छन् । प्युठान नगरपालिकाका नगर प्रमुख अर्जुन कुमार कक्षपतीले कार्यक्रममा बोल्दै प्युठान अस्पतालको कुनै पनि कुरामा आफु सकारात्मक भएको भन्दै अहिले भौतिक संरचनाको मुख्य अभाव छ । यसमा सदैव सहकार्य गर्न प्रतिबद्ध भएको बताएका छन् ।
स्वास्थ्य निर्देशनालयका सचिब डा. विकास देवकोटाले स्वीकृत दरबन्दी भन्दा बढी कर्मचारी राख्न सफल प्युठान अस्पताल र स्थानीय निकाय, सरोकारवाला संघसंस्था सबैलाई धन्यवाद दिदै खुशी भएको बताएका छन् । ‘प्रदेशका १३ वटा अस्पतालहरु मध्य सेवाको हिसाबले प्युठानले राम्रो गरेको छ, प्रदेशबाट बजेतको कुनैपनी कमि हुँदैन तपाइहरु अघि बढ्नुस, काम सुरु गर्नुस्,’ उनले भने । साथै कुनै देशमा पुरै निशुल्क, कुनै देशमा सिमित शुल्क लाग्ने र कुनै देशमा पुरै उपचार शुल्क लाग्छ तर नेपालमा मिश्रित सेवा प्रणाली भएको उनले बताएका छन् । कार्यक्रमका प्रमुख अतिथि केशवराज आचार्यले कार्यक्रममा बोल्दै अस्पताल प्रती सदैव सकारात्मक रहेको बताएका छन् । साथै सम्पुर्ण कर्मचारीले आफ्नो कामप्रतिको भुमिकालाई आत्मसात गर्दै आफू र संस्थालाई सफल बनाउन सुझाएका छन् ।
कार्यक्रम स्वास्थ्य जनसंख्या तथा आरिवार कल्याण मन्त्रालयका सचिब डा. विकास देवकोटाको प्रमुख अभिभावकत्व, स्वास्थ्य निर्देशनालयका निर्देशक डा. विनोद कुमार गिरिको विशेष अभिभावकत्व र जिल्ला समन्वय समिति प्युठानका प्रमुख केशवराज आचार्यको प्रमुख आतिथ्यता र प्युठान नगरपालिकाका नगर प्रमुख अर्जुन कुमार कक्षपतिको विशेष आतिथ्यता रहेको थियो । यस्तै प्रमुख जिल्ला अधिकारी खिमाराज भुषाल, इन्द्रध्वजगणका प्रमुख सेनानी दिपेन्द्र पोख्रेल, जिल्ला प्रहरी कार्यालय प्युठानका प्रहरी नायब उपरीक्षक सत्यनारायण थापा, सशस्त्र प्रहरी नायब उपरीक्षक योग्य बस्नेत, प्युठान नगरपालिका ४ न. वडा अध्यक्ष लक्ष्मी प्रकाश राज भण्डारी, स्वास्थ्य सेवा बिभागका पुर्व निर्देशक डा. आनन्द कुमार श्रेष्ठ, स्वास्थ्य कार्यालय प्युठानका निमित्त कार्यालय प्रमुख मधुसूदन खड्का, नेपाल रेडक्रस सोसाइटी प्युठानका सभापति गुमानराज पुलामी, अस्पताल विकास समितिका सदस्य टीका सुवेदी, न्युनतम सेवा मापदण्डका स्रोत व्यक्ति तथा पृथ्वीचन्द्र अस्पताल नवलपरासीका निमित्त प्रमुख मेडिकल सुपरिटेन्डेन्ट डा. महम्मद नरुल होदा लगायतका अतिथिहरुको उपस्थिति रहेको थियो । अस्पताल विकास समितिका अध्यक्ष सिद्धिमणी सुवेदीको अध्यक्षतामा सुरु भएको कार्यक्रमको संचालन अस्पतालकी नर्सिङ अधिकृत राधा के.सि.ले गरेकी थिइन् ।
न्युनतम सेवा मापदण्डको आधारमा लुम्बिनी प्रदेशमा तेस्रो स्थानमा प्यूठान अस्पताल
तेजेन्द्र बि. एम.२०७८ पुस १९
२०७८ पुस १९गुल्मीको बाल बिकास प्रा विमा श्रीमती तोयासराको नाममा अक्षकोष स्थापना
गुल्मी जिल्लास्थित अग्लुङ्गमा रहेको बाल विकास प्रा वि मा तोयासरा मल्ल स्मृति अक्षयकोष स्थापना गरिएको...
प्यूठान नगरपालिकामा चरम बेथिति,आफ्नै हात जगन्नाथ
प्यूठान नगरपालिकाले गरेका विभिन्न गतिविधीहरुको बेलाबखत टिकाटिप्पणी भइरहन्छ । नगरपालिकामा हुने भुक्तानीको विषयमा जनप्रतिधिसंग कुरा...
जिल्लाका विभिन्न स्थानमा आगलागी , ३५ घर जले
गर्मी महिना सुरु भएसँगै पछिल्ला केहि दिन यता प्यूठान जिल्लाका विभिन्न स्थानमा आगलागी भएको छ...
राष्ट्रिय दलित पत्रकार संघ प्यूठान अधिवेशनको तयारीमा
राष्ट्रिय दलित पत्रकार संघ प्यूठानको दोस्रो जिल्ला अधिवेशन बैशाख १५ गते हुने भएको छ ।...
“गणतन्त्र गौरव” बाट पूर्व राष्ट्रपति भण्डारी सम्मानित
नेकपा (एमाले) ले पूर्वराष्ट्रपति विद्यादेवी भण्डारीलाई ‘गणतन्त्र गौरव’बाट सम्मान गरेको छ। नेपाल कम्युनिस्ट पार्टी स्थापनाको...
- नेपाली हर्ट ग्रुपको ११४ औं सहयोगार्थ कार्यक्रम कैलालीमा सम्पन्न
- प्यूठानमा ८४ जना शिक्षकले पाए नियुक्ति
- स्वास्थ्य चौकिबाटै २१ जना गर्भवती महिलाले भिडियो एक्सरे गराए
- नयाँ तथा पुराना किताबहरु संकलनका लागि समिति गठन
- प्यूठानमा ६ दिने आधारभुत स्काउट तालिम सुरु
- ६७ औं राष्ट्रिय सहकारी दिवस प्यूठानमा पनि मनाईयो
- स्वर्गद्धारी ८ धन्चौरमा गाडी दुर्घटना हुँदा ५ जना घाईते
- प्रथम प्यूठान माण्डवी महोत्सव आजबाट सुरु
- पार्टीलाई बलियो बनाउन जनताप्रतिको विश्वास टुटाउन हुन्न : सांसद चौधरी
- लुम्बिनीको मुख्यमन्त्रीमा महरा नियुक्त