सरस्वती टोल खलंगा प्युठान निवासी गोपाल नकर्मीले आइतबार राष्ट्रिय अपांग सेवा संघ, प्युठानद्वारा संचालित खलंगा स्थित शारीरिक अपाङ्गता आवासगृहमा ५ वटा सादा खाट हस्तान्तरण गरेका छन् ।

उनले भने ‘जन्मस्थान अपरिवर्तनीय हुन्छ, जन्मस्थानप्रतिको माया अटुट हुन्छ ।’ स्वदेशमा रहँदा जन्मस्थान प्रति र विदेशमा रहँदा जन्भूमिप्रतिको श्रेहलाई बिर्सन नसकिने भन्दै नकर्मीले सहयोग गरेका हुन् ।

जन्मस्थान प्रति नकर्मी दम्पतीले देखाएको श्रेहले आवासगृहका अपांग बालबालिका तथा अन्य व्यक्तिमा हौसला र खुशी थपिएको खलंगा सरोकार समुह, प्युठानका संयोजक मनोज कुमार श्रेष्ठले जानकारी दिए ।