घुम्नका लागि आकर्षणले भरिएको ठाउँ हो स्याउलीवाङ क्षेत्र । यहाँ हिउँद याममा हिउँ खेल्न सकिन्छ भने गर्मी याममा लालीगुराससँग मज्जा लिन सकिन्छ ।

जाडो महिनाको पुस र माघमा यहाँ सधै हिउँ पर्छ । हिउँ खेल्नका लागि प्यूठान वासी धेरै टाढा जानुपर्दै न । बाग्दुलादेखि बाहाने हुँदै स्याउलीवाङको ठुलोगाउँ पुगेपछि कोठिभिर जान सकिन्छ । स्याउलीवाङबाट ढुङ्गागाडे बासस्थल पुग्न ३ घण्टा पैदल हिँड्नुपर्छ ।

जहाँ पुगेपछि पर्यटकीय स्थल खलेसवाङ आउँछ । यहाँ स्थानीयले पर्यटकीय गन्तब्य स्थल बनाउनका लागि विकास निर्माणका पुर्वाधार बनाउने कार्यमा जुटेका छन् । खलेवाङबाट उकालो लागे पछि करिब ३ घण्टामा ३ हजार ६ सय ५९ उचाइको कोठिभिर पुगिन्छ ।

यहाँबाट यहिँको सुन्दरता सहित वरिपरिका उच्च हिमश्रृङ्खला देख्न पाइन्छ । हिउँदमा हिउँ खेल्ने बाहेक फागुनदेखि बैशाख महिनासम्म करिब ७ थरी लालीगुराँसका मनमोहक दृश्य हेर्न र रम्न सकिन्छ । आन्तरिक पर्यटन प्रवद्र्धनमा टेवा पु¥याउन जाने होइन त कोठिभिर ।