प्यूठान नगरपालिका ४ र ३ वडाका २ घरमा चोरी भएको छ । बुधवार राती आयुष्मा होटल नजिकै रहेको सागर गुप्ता र जुम्रि बजार खोला नजिकै रहेको सन्जिव सुनारको घरमा चोरी भएको हो । मल्लरानी गाउँपालिका ४ बुढाचौर बस्ने सुनारको घर जुम्रिबाट नगद रु. २ लाख सहित ८ तोलाभन्दा बढी सुन चोरी भएको प्रहरीले जनाएको छ ।

सुनार बिहिवार आमाको तिथी भएको कारण बुधवार बेलुका बुढाचौर घरमा गएका थिए । घरमा कोहिँ नभएको मौका छोपी गेट र कोठाको चावी सरिया र हसिया (खुर्पा) ले तोडेको छ । चोरी गर्ने ब्यक्तिले सरिया र हसिया चोरी गर्ने ठाउँमै छोडेको छ भने उसले प्रयोग गर्ने ब्लुटुथ स्पिकर पनि छोडेको प्रहरीले भेटाएको छ ।

सागर गुप्ताको घरबाट के के चोरीयो भन्ने एकिन भएको छैन । गुप्ता बुधवारका दिन बिरगन्ज घरमा गएका थिए । उनको घरमा प्रहरीले बाहिरबाट उनी नआउन्जेसम्मका लागि बाहिरबाट ताला लगाइदिएको छ । दुबै घरमा घर मालिक नभएको मौका छोपेर चोरी भएकोले चिनेजानेको र नजिकैको ब्यक्तिबाट चोरी भएको हुनसक्ने स्थानीय र प्रहरीको अनुमान छ ।

चोरी गर्ने ब्यक्तिले छोडेका सामग्रि र घर वरपर राखेका सिसी टिभि क्यामेरा राखेका ठाउँको निगरानी भइरहेको प्रहरीले जनाएको छ ।