मल्लरानी गाउँपालिका ४ खलंगामा निर्माण गरिएको डिभिजन वन कार्यालय प्यूठानको नब निर्मित भवनको उद्धघाटन गरिएको छ । लुम्बिनी प्रदेशका वन वातावरण तथा भूसंक्षण मन्त्री सुरेन्द्र बहादुर हमालले भवनको आज उद्धघाटन गरेका हुन् । भवनको उद्धघाटन गर्दै मन्त्री हमालले भवन निर्माण भएसङ्गै काम गर्ने कर्मचारी र सेवा लिने सेवाग्राहीलाई पनि सेवा लिन, दिन थप सहजता मिल्ने बताएका छन् ।

कार्यालयबाट दिईने हरेक सेवा सुविधा सहज तरिकाले प्रदान गर्न मातमहतका कर्मचारीलाइ हमालले निर्देशन समेत दिए ।

वनजन्य जडीबुटीहरुको उत्पादनलाई प्राथामिकता दिएर वनलाई सम्ब्रद्धन र संरक्षण गर्नुपर्ने कुरामा कार्यालयको ध्यान पुग्नुपर्ने उनकाे भनाइ थियो । जथाभावी हुने वन फडानी,वनमा आगो लाग्न नदिन, वन संरक्षण गर्नु कार्यालयको मात्र जिम्मेवारी नभई यसमा स्थानीय बासीहरुको पनि उलेख्य भुमिका रहने बताए । उद्घाटन कार्यक्रमको अवसर पारेर कार्यालय परिसरमा वृक्षारोपण समेत गरिएको छ ।

प्यूठान जिल्लाका प्रमुख जिल्ला अधिकारी खिमराज भुसाल,गौमुखी गाउँपालिकाका अध्यक्ष विष्णुकुमार गिरी, नौवहीनी गाउँपालिका अध्यक्ष शिव रिजाल, जिल्लाका विभिन्न संघ संस्थाका प्रमुख तथा प्रतिनिधी, सामुदायिक वन उपभोक्ता समुहका प्रतिनिधी, स्थानीय अगुवा सहित स्थानीयवासीको सहभागितामा भवन उद्घाटन कार्यक्रम गरिएको हो ।