नेपाली हर्ट ग्रुपले उपचारमा समस्या परेका २ बिरामीलाई आर्थिक सहयोग गरेको छ । हर्ट ग्रुपले मल्लरानी गाउँपालिका-१ का नवजात शिशुको उपचारका लागि नगद रु. १५ हजार सहयोग गरेको छ भने सुनसरीका ४६ वर्षिय किड्नी पिडित बाबुराम कार्कीलाई पनि आर्थिक सहयोग गरेको छ ।

गत चैत्र ६ गते प्यूठान अस्पतालमा जन्मिएका नवजात शिशुलाई टाउकोमा पानी जमेको समस्या देखिएपछि शिशुको उपचार गृह जिल्लामा सम्भव नभएकाले बाहिरी जिल्ला रिफर गर्नुपर्ने अस्पतालका चिकित्सकहरुले बताएका थिए । शिशुको बाबुको शिशु गर्भमा हुदाँनै मृत्यू भईसकेको परिवारले बताएका थिए । आर्थिक अभावले शिशुको उपचारमा समस्या भएपछि उनलाई केही दिन प्यूठान अस्पतालमै राखिएको थियो । त्यस लगत्तै पत्रकार बोम बहादुरको पहलमा केही आर्थिक रकम संकलन भएपश्चात शिुशुलाई उपचारको लािग काठमाण्डौ स्थित शिक्षण अस्पतालमा पठाईएको थियो ।

विहिबार हर्ट ग्रुपका अध्यक्ष डिल्लीराज पराजुली ग्रुपका सदस्यहरु गोबिन्द थापा, सैलेन्द्र खनाल, समिक्षा वलि लगायतको टिम शिक्षण अस्पातलमै पुगेर उपचारत शिशुका अभिभावकलाई सहयोग रकम हस्तान्तरण गरेको नेपाली हट गु्रपले जानकारी दिएको छ । त्यस्तै किड्नी पीडित कार्किलाई काठमाडौ स्थित पाटन अस्पतालमा पुगेर उपचारका लागि १० हजार रुपैया सहयोग रकम हस्तान्तरण गरेको छ ।
मानव सेवा नै धर्म हो भन्दै स्थापना गरिएको उक्त सस्थाले आउदो सनिबार धरानको एक आस्रममा सहयोग गर्न जाने हर्ट गु्रपका अध्यक्ष डिल्लिराज पराजुलीले बताएका छन् ।