आउँदो वैशाख ३० गते हुने स्थानीय तहको निर्वाचनका लागि प्युठानमा म्यादी प्रहरीको आज लिखित परीक्षा भएको छ । गणतान्त्रिक खेल मैदान बिजुवार प्युठानमा बिहान ७ बजेदेखि लिखित परीक्षा दिनेहरुको भिड लागेको थियो । उनिहरुको भिडले खेलमैदान भरिएको थियो ।

परीक्षामा सहभागी हुन आएका धेरैको संख्यामा रहेका परीक्षार्थीहरुलाई व्यवस्थापन गर्दा तोकिएको समय भन्दा परीक्षा केहि समय ढिलो हुन गएको हो । बिहान ८ बजे देखि परीक्षा तोकिएता पनि ९ बजेबाट सुरु भएको थियो ।

म्यादी प्रहरी मंगलबारदेखि प्युठानको सदरमुकाम खलंगामा छनोट कार्य शुरु गरेको हो । प्युठानका लागि करिब १२ सय जना म्यादी प्रहरी माग गरिएको छ । जिल्लाभरका ३१ सय ७४ जनाले म्यादी प्रहरी भर्नामा आवेदन दिएका थिए । आवेदन दिएका ३ सय ८१ जना प्रारम्भिक स्वास्थ्य परिक्षण तथा तन्दुरुस्ती परिक्षामा सहभागी नभएको जिल्ला प्रहरी कार्यालय प्युठानका प्रमुख सत्यनारायण थापाले जानकारी दिए ।

आवेदन दिएका मध्य २७ सय ७६ जनाले प्रारम्भिक स्वास्थ्य परिक्षण तथा तन्दुरुस्ती परिक्षा पास गरेर आज लिखित परिक्षामा समावेश भएका थिए । यो माग संख्याको अढाइ गुणा बढी होे ।