साहित्य परिषद प्युठानको नवौं अधिवेशन, स्रस्ता सम्मान र पुस्तक विमोचन कार्यक्रम सम्पन्न भएको छ । शनिबार प्युठान नगरपालिका ७ पुण्यखोला स्थित बहुउद्देश्यीय शैक्षिक भवनमा अधिवेशन गरिएको हो ।

अधिवेशनले नवराज आचार्यको अध्यक्षतामा १५ सदस्यीय नयाँ कार्यसमिति चयन गरेको छ ।
अधिवेशनले उपाध्यक्षमा कमला खनाल (पौडेल), सचिवमा धुर्व गिरि, सहसचिवमा महेश थापा, कोषाध्यक्षमा राजकुमारी कुवर चयन भएका छन् ।

यस्तै सदस्यहरुमा नारायण पाण्डे, गोपालय बिष्ट, सुमन सुवेदी, बि. पि. सेढाई, भानुभक्त पोख्रेल, शिला खड्का, लक्ष्मी मगर संघर्ष, रामप्रसद पोख्रेल, खेमराज पोख्रेल र सनम परियार चयन भएका छन् ।

कार्यक्रममा बाल्दै प्युठान नगरपालिका प्रमुख अर्नुन कुमार कक्षपतिले आफु पनि सानैदेखि साहित्य क्षेत्रलाई माया गर्ने भएकोले यसलाई बृहत आकार दिन जरुरी भएको र आफ्नो सहयोग रहिरहने बताएका छन् । यस्तै उपप्रमुख शान्ता आचार्यले साहित्यकारहरु कम मात्रामा भएकोमा चिन्ता व्यक्त गर्दै सबै क्षेत्रमा बालबालिका बाटै कलात्मक सिर्जनाको विकास गर्नुपर्ने बताएका छन् ।

कार्यक्रमका प्रमुख अतिथी नेपाल प्रज्ञा प्रतिष्ठानका प्रा. डा. गोपिन्द्र पौडेलद्वारा आरोग्य दर्पण भाग १ (आहार विहारादी प्रकरण) र विजयराज आचार्यका बालकृतिहरुको अध्ययन नामक दुई पुस्तक विमोचन गरिएको छ ।

अधिवेशनको अवसरमा ठगिदेवी साहित्य तथा पत्रकारिता पुरस्कार मार्फत पदम प्रसाद शर्मा सम्मानित भएका छन् । यस्तै संस्थाको गरिमा बढाउन अतुलनीय योगदान पुर्यापएको र उत्कृष्ट स्रस्ताका रुपमा गोपिन्द्र पौडेल भेषमान गिरिलाई पनि अधिवेशनमा सम्मान गरिएको छ ।

प्रज्ञा प्रतिष्ठान नेपालका केन्द्रिय सदस्य गोपिन्द्र पौडेलको प्रमुख आतिथ्यतामा रहेको कार्यक्रममा प्युठान नगरपालिका प्रमुख अर्जुन कुमार कक्षपतीको विशेष आतिथ्यता रहेको थियो । यस्तै कार्यक्रममा नगरपालिका उपप्रमुख सान्ता आचार्य, समाजसेवी डा. लेखराज सुवेदी, साहित्यकार प्रमोद प्रधान, मधुसूदन पौडेल लगायतका अतिथि र जिल्लाका अन्य सात्यर्कर्मीहरुको उपस्थिति रहेकोे थियो ।