स्थानीय तहको निर्वाचनका लागि निर्वाचन आयोगले आज विहान १० बजेदेखि ७ सय ५३ वटै पालिकामा उम्मेद्वारको मनोनयन दर्ता सुरु गरे सगँै प्यूठानमा मनोनयन दर्ताको आज पहिलो दिन २४ जना उम्मेद्वारको मनोनयन दर्ता भएको छ ।

मनोनयन दर्ता अन्तर्गत झिमरुक गाउँपालिकामा सिङ्गो पालिका अध्यक्ष पदका लागि नेकपा मालेबाट चुमानसिंह खत्री, ऐरावती गाउँपालिका वडा नं. ६ को अध्यक्ष पदमा ईन्द्र बहादुर खड्का स्वतन्त्र उम्मेद्वार, नौबहिनी गाउँपालिकामा राजमोबाट वडा नं. ८ का लागि हेमन्तराज भण्डारी, राप्रपाबाट वडा नं. ८ मा दुर्ग बहादुर खत्री, मंगोल नेशनल अर्गनाइजेसनबाट वडा नं. १ स्याउलीबाङमा अध्यक्ष पदका लागि तने बुढामगरले उम्मेद्वारी दर्ता गरेका छन् ।

यस्तै गौमुखी पालिकामा पालिका अध्यक्षका लागि नेपाली कागेंसका उम्मेद्वार देबेन्द्र पुरीको नाम दर्ता गरिएको गौमुखी गाउँपालिकाका निर्वाचन अधिकृत राम प्रसाद ज्ञवालीले जानकारी दिए ।

त्यस्तै स्वर्गद्धारी नगरपालिकामा ७ जना उम्मेदवारहरुको मनोनयन दर्ता भएको छ । जसमा प्रमुख तथा मेयर पदका लागि २ जना उम्मेदवार, उपप्रमुख पदका लागि १ जना र वडा अध्यक्ष पदका लागि ४ जनाको उम्मेदवारहरुको मनोनयन दर्ता भएको छ ।

तस्तै प्यूठान नगरपालिकामा सबै भन्दा धेरै १२ जना उम्मेदवारको मनोनयन दर्ता भएको छ । जसमा ५ जनाको वडा सदस्य पदाका लागि र ७ जनाको वडा अध्यक्ष पदका लागि उम्मेदवारहरुको मनोनयन दर्ता गरिएको जिल्ला निर्वाचन कार्यालय प्यूठानले जनाएको छ ।

यता जिल्लाको मल्लरानी गाउँपालिका र सरुमारानी गाउँपालिकामा भने आज कुनै पनि उम्मेदवारले मनोनयन दर्ता गराएका छैनन । मनोनयन दर्ताका लागि भोली सोमबार बेलुका पाँच बजेसम्मको समय तोकिएको छ ।