प्यूठानमा ८३ वर्षिय एक वृद्धको ढुङ्गाले हानेर हत्या भएको छ । जिल्लाको नौबहिनी गाउँपालिका ४ खवाङका जंग बहादुर सुनारको हत्या भएको जिल्ला प्रहरी कार्यालय प्यूठानले जनाएको छ ।
सुनारको आफ्नै ३० वर्षिया छोरा तुल बहादुर सुनारले शुक्रबार दिउसो ढुङ्गाले हानेर हत्या गरिएको भन्ने आशंका स्थानिय र प्रहरीले अनुमान गरेका छन । तुल बहादुरले मदिरा सेवन गरी बाबुको हत्या गरेको हुन सक्ने प्रहरीले जनाएको छ । हत्या आरोपित छोरालाई प्रहरीले नियन्त्रणमा लिएको छ । घटनाबारे थप अनुसन्धान भैरहेको जिल्ला प्रहरी कार्यालय प्यूठानका प्रहरी निरिक्षक लाल बहादुर विकले जानकारी दिनुभयो । मृतकको शव हिजो नै पोष्र्टमार्टमको लागी प्यूठान अस्पतालमा ल्याइएको थियो ।