प्यूठान नगरपालिकामा गठवन्धनले शुरुवाती अग्रता लिएको छ । वडा नम्वर १ को जारी मतगणना अनुसार गठवन्धनबाट मेयर पदका उमेदवार नेकपा माओवादी केन्द्रका विष्णुबहादुर योगीले ५ सय २६ र एमालेका विजयविराज विष्टले ३ सय ४८ मत पाएका छन् । उपमेयरमा गठवन्धनकै नेपाली कांग्रेसका देबेन्द्र बर्माले ५ सय ६१ र एमालेकी पवित्रा जिसीले ३ सय ४० मत लिएकी छिन् । वडाध्यक्षमा समेत गठबन्धनकै उम्मेदवार अगाडि छन् ।
यस्तै सरुमारानी गाउँपालिकामा एमालेले सूवाती अग्रता ल्याएको छ । एमालेका उम्मेदवार झगबहादुर विश्वकर्माले ६ सय ४५ मत ल्याएर अग्रता कायम गरेका छन् । गठबन्धनको तर्फबाट नेपाली कांग्रेसका उम्मेदवारले २ सय ४३ मत ल्याएका छन् । उपाध्यक्षमा पनि एमालेकै अग्रता रहेको छ । सरुमारानीमा ६ नम्बर वडाबाट मतगणना गर्न सुरु गरिएको छ । यहाँ वडाध्यक्ष तिलबहादुर बुढा सहित वडामा एमालेको प्यानल अगाडि छ ।
।