निर्माण व्यवसायी संघ प्युठानले कोभिडबाट मृत्यु भएका सदस्यहरुलाई राहत वितरण गरेको छ । निर्माण व्यवसायी संघ केन्द्रीय समितिको सहयोग तथा निर्माण व्यवसायी संघ प्युठानको आयोजनामा राहत वितरण गरिएको हो ।

निमार्ण व्यवसायी संघका जिल्ला सदस्य दाजुभाई निर्माण सेवाका संचालक बलराज पोख्रेल र सदस्य भुप बहादुर पुनको परिवारलाई जनही १ लाख पचास हजारका दरले राहत वितरण गरीएको  निर्माण व्यवसायी संघ प्युठानका अध्यक्ष नविन श्रेष्ठले बताए ।
देशभर कोभिड –१९ बाट मृत्यु भएका व्यवसायी सदस्यहरुलाई केन्द्रको कार्यक्रमअनुसार राहत दिएको श्रेष्ठको भनाई छ ।

त्यस्तै कार्यक्रममा कोभिड – १९ बाट मृत्यु भएका बलराज पोख्रेलबाट निर्माण गर्दा लिनु पर्ने रकम प्रगतिशिल निर्माण सेवाका संचालक किरण केसीले राहत स्वरुप परिवारलाई ८९ हजार रकम प्रदान गरेको घोषणा समेत गरेका छन ।

निमार्ण व्यवसायी संघ प्यूठानका अध्यक्ष नवीन श्रेष्ठको अध्यक्षता तथा संघका केन्द्रीय सदस्य बालाजु श्रेष्ठ एवम व्यवसायी संघका पुर्व अध्यक्ष र संघका सदस्यहरुको उपस्थितिमा कार्यक्रम सम्पन्न गरिएको हो ।