प्यूठानमा शनिबार भएको जिप दुर्घटनाका घाइते थप २ जनाको ज्यान गएको छ । घाइते दुई जनाको उपचारको क्रममा अस्पतालमा ज्यान गएको हो ।
रुपन्देहीको सिद्धार्थनगर नगरपालिका –४ कि ५४ वर्षीय कान्ति कर्ण र मायादेवी गाउँपालिका वडा नम्बर ३ का ७० वर्षीय पटवारी कुहारको एडवनसिटी अस्पताल बुटवलमा उपचारको क्रममा मृत्यु भएको जिल्ला प्रहरी कार्यालय प्यूठानले जनाएको छ ।
यस्तै, हिजो ३२ वर्षीय गुडिया ठाकुरको दुर्घटना स्थलमै मृत्यु थियो ।
दुर्घटनामा घाइते हुनेहरूमा रुपन्देही मायादेवी गाउँपालिका ७ का ४२ वर्षीय विनोद कुहार, सिद्धार्थ – ४ का ४० वर्षीय उर्मिला कुहार,१५ वर्षीय चन्दन कुहार, मायादेवी – ३ का ४० वर्षीय आशा थारु, ३ का ६३ वर्षीय रुदल चौधरी,५० वर्षीय मागरी थारु,६१ वर्षीय प्रल्हाद थारु, सिद्धार्थ – ६ का ७० वर्षीय धुव्रा नारायण काबी, सिद्धार्थ – ६ का ६० वर्षीय उर्मिला बर्मा, मायादेवी – ३ का ५५ वर्षीय किसदी थारु, सिद्धार्थ –६ का ६० वर्षीय पुष्पा मालि, ५२ वर्षीय सरोज माली, मायादेवी – ७ का अन्दाजी ७३ वर्षीय कल्वारी कुहार, ७५ वर्षीय प्राग कुहार, ६ वर्षीय बालिका संगीता कुहार रहेको प्रहरी जिल्ला प्रहरी कार्यालय प्यूठानको भनाई छ । घाइतेहरुको अहिले बुटवल र भैरहवा अस्पतालमा उपचार भइरहेको छ ।
स्वर्गद्वारी मन्दिर दर्शन गरेर फर्किदै गरेको लु३च ३५३ नम्वरको जीप ब्रेक फेल भई हिजो स्वर्गद्वारी नगरपालिका–४ कोलबाङ्गमा दुर्घटनामा परेको थियो । गाडीमा सवार १७ जना रहेका थिए ।