News Portal

रेडियो सुन्नुहोस्

लघु कथा : प्रेम अचम्मको हुँदो रहेछ

श्याम कुमार क्षेत्री (मुस्कान)२०७९ श्रावण १८, प्यूठान
१२०६ पटक
२०७९ श्रावण १८, प्यूठान

सँदा झैँ आज पनि म पुरानो म्यासेजलाई हेर्दैथेँ । अचानक पुरानो म्यासेजमा आँखा पुग्यो । त्यहाँ अपरिचित व्यक्तिबाट कसरी म्यासेज आयो ? थाहा थिएन । राम्रोसँग चिनेको पनि थिएन । केही समय म सोचमा परिरहेँ, हिम्मत गरेर त्यो म्यासेजको जवाफलाई फर्काएँ आफ्नै नेपाली भाषामा ।

त्यो म्यासेज जुन व्यक्तिबाट आएको थियो उनले बिर्सिसकेको रहेछिन कि कुनै दिन मलाई उनले म्यासेज पठाएकी थिइन । उनले नेपाली नबुझेपछी सायद मलाई लाग्यो उनी नेपाली होइनिन कि भन्ने, अनि फेरि छोटो मिठो अङ्ग्रेजीमा जवाफ दिएँ ।

त्यसपछि उनले पनि मेरो म्यासेज पढेर अङ्ग्रेजीमै जवाफ दिईन र विस्तारै विस्तारै उनीसँग मेरो दिनहुँ जसो कुरा हुन थाल्यो । उसैमा हिजोआज सामाजिक संजालमा धेरै साथीहरू हुनाले म पनि उनी सँग अपरिचित भएपनि खुलेर बोल्न थालेँ । घरीघरी उनको कुरालाई उडाउथे कहिल्यै जिस्काउथे तर उनले कुनै गुनासो गरिनन् । थाहै नपाई बोल्दै जाँदा उनी र म कतिखेर नजिकियौँ पत्तै भएन । उनको फोटो हेरेँ, निक्कै सुन्दर थियो भित्रभित्रै मन परेको आभाष भयो । अब त उनीसँग दिनहुँ कुरा गर्ने बानी नै बसि सक्यो हामी घन्टौसम्म कुरा गर्न थाल्यौँ । उनले मलाई लुरे भनेर जिस्काउथिन भने मैले पनि उनलाई लुरि भनेर जिस्काइ दिन्थे । धेरै नजिकिदै जादा हामी राम्रो साथी भयौ । हामी बिच सबै कुराहरू सेर हुन थाल्यो । त्यसपछि हामी घन्टौ उसै म्यासेजबाट भिडियो कल गर्न थाल्यौ । उनले मलाई देखिन । मैले उनलाइ देखे । के भन्नू यो सामाजिक दुनियाँलाई साँचो या झुटो ! वास्तवमा हामीले एक अर्कालाई देखेर पनि देखेका छैनौ चिनेर पनि चिनेका छैनौ यो कस्तो सम्बन्ध हो ?

कुरा गर्दै जाँदा उनले एक दिन मलाई अचानक प्रश्न गरिन् । लुरे के तिमीले मलाई माया गर्छौं ? अहो कस्तो गाह्रो प्रश्न गरिकी होलिन ? मन मनै सोचेँ । उनी एक धनी उद्योगपतिको छोरी, उनको आफ्नै सम्पन्नता छ । समाजमा आफ्नै स्टाटस छ । म हिन्दु परेँ, उनी रैछिन मुस्लिमकि छोरी उसैमा म नेपाली परे उनी इन्डियन थिइन । के जवाफ देऊ म ? उनलाई माया गर्छु भनेर मेरो प्रेम कहानी सफल होला र? जवाफ दिए अह गर्दैन, हामी असल साथी मात्र हौँ । तर पनि मुटुको कुनै कुनामा उनको निम्ति प्रेम नभएको होइन होला ? कता कता म उनलाई प्रेम गर्छु, अनि उनी पनि मलाई ।

प्रेममा कुनै सिमाना हुदैन भन्थे हो रहेछ । आफै अचम्म छु यो कस्तो प्रेम सम्बन्ध ? उनलाइँ चिनेकै छैन जससँगको भेट सम्भावना नै छैन उनैको निम्ति मनमा यस्तो माया किन ? उनका हरेक कुरामा यति धेरै विश्वास किन गरुँ ? आफैलाई थाहा छैन उनीसँगको दैनिक कुराकानी आदत नै बसि सक्यो । न यो सम्बन्धमा पछाडी हट्न सक्छु, न त अगाडी नै भविस्य भेट्छु । साच्चिकै प्रेम अचम्मको हुने रहेछ ।

 

प्रतिकृया दिनुहोस्

बागलुङमा भएको बस दुर्घटनामा ९ जनाको ज्यान गयो

बस दुर्घटनामा परी एक पत्रकार सहित ९ जनाको मृत्यु भएको छ । रुकुम पूर्वबाट काठमाडौंका...

समाचारको प्रभाव : श्याम बहादुरको उपचार हुँदै

मल्लरानी गाउँपालिका–३ मुन्डाडा खसिनीखर्क स्थित ३८ वर्षिय श्याम बहादुर वि.क वर्षौदेखि उपचारको अभावमा विस्तारामा थलिएर...

एमालेले संगठित सदस्यको परीक्षा लिदै

नेकपा (एमाले) का संगठित सदस्यले आज परीक्षा दिँदैछन । पार्टीले तय गरेको कार्यक्रम अनुसार प्यूठानका...

सांसद भईसकेपछि साझा सांसदको रुपमा छु : सांसद थापा

प्यूठानका संघिय सांसद सूर्य थापाले चुनाबको बेलामा आफु फरक पार्टीको भएपनि अहिले सांसद भईसकेपछि साझा...

प्यूठान अस्पताललाई प्रयोगशाला उपकरण हस्तान्तरण

लायन्स क्लब अफ भित्रिकोट प्यूठानले जिल्ला अस्पताल प्यूठानलाई प्रयोगशाला उपकरण हस्तान्तरण गरेको छ । शनिबार...