२०७९ साउन २३, प्यूठानजिल्ला प्रसाशन कार्यालय प्यूठानमा राष्ट्रिय परिचयपत्र बनाउन आउने सेवाग्राहीहरुको भिडभाड बढेको छ । कार्यालयमा राष्ट्रिय परिचयपत्र र नेपाली नागरिकता बनाउन आउने सेवाग्राहीहरुको भिडभाड बढ्दै गएको हो ।
प्रशासनमा सेवाग्राहीहरुको भिडभाड बढेसगँै जिल्लामा लामो दुरिबाट परिचयपत्र तथा नेपाली नागरिकता वनाउन आएका सेवाग्राहीहरुले सास्ती बेहोर्नु परेको गुनासो गरेका छन् । कार्यालयमा प्राप्त मात्रामा सर्बर नेट र स्क्यानर नभएकाले जिल्लाका दुर्गम स्थानबाट राष्ट्रिय परिचयपत्र तथा नेपाली नागरिकता बनाउन आएका सेवाग्राहीले सास्ती खेप्नु परेको हो ।
प्रमुख जिल्ला अधिकारी सुनिता नेपालले राष्ट्रिय परिचयपत्र तथा पन्जिीकरण विभागसगँ थप नेटवर्किङ डिभाईस, सिस्टम माग गरिएको बताईन् । नेपालले भदौ देखी यो समस्या समाधान हुने बताईन् ।
यसअघि परिचयपत्र बनाउनेको भिड लागेको भन्दै प्रशासनले करिब २ महिना अघि पालिका अनुसार बार तोकेर सेवाग्राहीलाई सेवा दिदै आएको थियो । प्रशासनले दैनिक ४० जनाको मात्र परिचयपत्र बनाउदै आएको छ ।
