असोज ८ प्यूठानसरकारले सार्वजनिक यातायातको नयाँ भाडादर सार्वजनिक गरेको छ । शनिबार यातायात व्यवसायीसँग १० प्रतिशत भाडा बढाउन सहमति जनाएको सरकारले अाइतबार नयाँ भाडादर सार्वजनिक गरेको हो ।
पेट्रोलियम पदार्थको मूल्य बढेपछि यातायात व्यवसायीले भाडादर पनि समायोजन गर्नुपर्ने माग गरेका थिए । त्यसै अनुरुप यातायात व्यवस्था विभागले नयाँ भाडादर सार्वजनिक गरेको हो ।
नयाँ कायम भएको भाडादर अनुसार अव प्यूठानवाट काठमाण्डौका लागि भाडा ९२८ लाग्ने भएको छ। ४३२ किलोमिटर दुरी रहेको उक्त रुटमा साविकको भाडादर ८४४ रुपैयाँ थियो। यस्तै नेपालगञ्ज भालुवाङ प्यूठानका लागि ४६४ लाग्ने भएकोे छ। २१६ कि.मि. दुरीको यो रुटको साविकको भाडा ४२२ रहेको थियो। प्यूठानवाट भालुवाङ हुदै महेन्द्रनगर पुग्न ७९२ लाग्नेछ। ४०१ कि. मि. दुरीको यो रुटको साविकको भाडा७२० रहेको थियो। कोठियाघाटवाट नेपालगञ्ज हुदै प्यूठान पुग्ने २६९ कि.मि. रुटको साविकको भाडा ४९७ भएकोमा अव ५४७ लाग्नेछ।
डिलक्स सेवा प्रदायकहरुले भने यो भाडामा २० प्रतिसत रकम थप गरि लिनेछन्। त्यसका लागि गाडिको व्लुवुकमा यातायात व्यवस्था विभाग अन्तर्गत भिएफटिसि टेकुवाट डिलक्स सुविधा लिएको प्रमाणित भएको हुनुपर्नेछ।
यसअघि २०७२/१०/२५ मा भाडादर कायम गर्दा पेट्रेलको ९९ र डिजलको ७५ रुपैया मुल्य कायम गरिएको थियो। हाल २०७५/०६/०७ मा पेट्रोलको ११४ र डिजलको १०१ कायम गरिएको छ।
विगतमा भाडादर निर्धारण गर्दा ईन्धनको ३५ प्रतिसत अंस र अन्य सुचकको ६५ प्रतिसत अंस रहेकोमा हाल अन्य सुचक यथावत राखि ईन्धनको सुचकको आधारमा १० प्रतिसतले वृद्धि गरिएको छ।
दशै तिहार लगायतका चाडपर्वको मुखमा भाडा वृद्धि गरेको भन्दै उपभोक्ता अधिकारकर्मिहरुले यसको विरोध गरेका छन्।
नयाँ भाडादर
