६५ वर्षिय वुवाले आँखा देख्दैनन्। घर परिवार चलाउन १६ वर्षको उमेरमा ६ कक्षामा पढ्दापढ्दै पढाई छोडेर काम खोज्दै भारत पुग्नुपर्यो। गत जेठमा नसासम्वन्धि रोगले समात्यो भने असार ४ गते आमाको मृत्यु भयो। भएको एक कित्ता भिर वेचेको २५ हजारले आफ्नो उपचारमा डुल्दा ठिक्क भयो। आमाको किरियाको ऋण तिर्नै वाँकी छ। नौवहिनी गाउँपालीका ८ फोप्लीका दिल वहादुर पुन आर्थिक अभावमा अहिले रोग पालेर छटपटाउनु परेको छ।

चारैतिर दशैको रमझम छ। सवैका घरमा उत्साह र उमंग छ। तर, दिल वहादुरको परिवारलाई नत दशैले छोएको छ नत उमंग नै आएको छ। परिवार चलाउने १६ वर्षिय उनिनै आर्थिक अभावका कारण उपचार गर्न नसकि रोगले थलिएर वस्नु परेको छ।

दशैको खर्च कटाएर भएपनी दिन वहादुर पुनको उपचारमा सहयोग गरौं। फजुल खर्च कटाएर सहयोगी हातहरु फैलाऔं। यौटा किशोर र उनको परिवारको जिवन वचाऔं।    –सम्पादक

उनका वुवा ६५ वर्षिय दले पुनले दुवै आँखा देख्दैनन्। आमाको मृत्यु भयो। १२ वर्षिय वहिनी ताजिमा पुन, ८ वर्षिय वहिनी खेमसरी पुन र ४ वर्षिय भाई उनै १६ वर्षिय दिल वहादुर पुनमाथी नै आश्रित थिए। तर, उनिसमेत नसारोगले थलिएपछी परिवारको समेत विचल्ली भएको छ। आर्थिक अभावकै कारण उनले नसारोगको उपचार गर्न सकेका छैनन्।

“आर्थिक अभावका कारण परिवार धान्नै विचल्ली छ। आर्थिक अभावका कारण उपचार गर्ने अवस्था छैन।” स्थानिय युवराज भण्डारीले भने– “सामान्य झमझमाउने समस्या वल्झिएर अहिले उभिन नसक्ने स्थितीमा पुगेको छ।”

आर्थिक अभावकै कारण १२ वर्षिय वहिनीले ३ कक्षावाट र ८ वर्षिय वहिनीले १ भन्दा वढी पढ्न सकेनन्। उव्जनिको नाममा अहिले १० डोका मकै उत्पादन भयो। घर चलाउने जिमेवारी आईपरेका उनि नै थलिएपछी उनको उपचार हुन सकेको छैन भने परिवारको समेत विचल्ली भएको छ। उनमा अहिले हिडन नमिल्ने हात सिधा नहुने, जिव्रो लरवराउने लगायतका समस्या देखिएका छन्।

आमाको मृत्यु र वुवाका दुवै आँखाको ज्योति गुमेपछी परिवार चलाउने जिम्मा पाएका दिल वहादुरले आफ्नो उपचारमा सहयोग गर्न सवैसंग आग्रह गरेका छन्।