सरद बिष्ट (स्वर्गद्धारी नगरपालिका–३, प्यूठान)

सधै मुस्कुराएर खुशी
देखिने
सबै यामका फूलहरुले
प्रकृतिलाई सिंघारेर जान्थे ।
सुगन्धमय वनाएर, फेरि आउने वाचासहित ।
तर,
सरद यामका सुन्दर फूलहरु
निराश छन् किन आज ?
कस्ले बिध्न–वाधा पुराएछ ?
बिचरा ! सबै घायल छन् ।
नयाँ याम, नयाँ पालुवा सँगै फूलेका
सबै फूलहरु
आपसमा आपत्ती जनाउँदै
अब, नयाँ संसारको वसाँइमा छन् ।
किनभने,
हुरी,वतास अनि मेघ गर्जन सहितको
असिना बर्षातले
सबै सुन्दर फूलहरु पिडित छन् ।
त्यसैले,
प्रश्नहरु आफैसित गरे,
प्रश्नहरु हुरी,वतास सँग गरे, र
असिना बर्षात सँग गरे, तर–
तर
उत्तर पाइनँ कसैवाट पनि ।
आज यस्तो कुठराघात किन ?
अरुको जीवन,
तहसनहस र वाधा पुराउने किन ?
सोधे प्रश्न इन्द्र देवसँग
प्रकृतिको नियम भन्दै
मुसुमुसु हाँसिरहे

उताफेरि,
सरद यामका फूलहरु शोकाकुल थिए ।
केहि वोलेनन् ।
असहज परिस्थितिमा जस्तो जे भएपनि
आप्ःनो काम र कर्तव्य पूरा गर्दै
प्रकृतिलाई हराभरा र सुगन्धमय
वनाएर
सरद यामका फूलहरु पनि
हराउँदै थिए ।।।

• मिति : ( २०७५/०७/१९