जिल्लावाट एक टोलि पुगेर यौटा वालविवाह छुटाउन अभिभावकलाई आग्रह गरेको गाँउमा १५ वटा वालविवाह भएको पाईएको छ।

प्यूठानको माण्डवि गाउँपालीका २ (साविकको मार्कावाङ्ग)मा प्रहरि, गाउँपालीका उपप्रमुख, वालसञ्जाल र सरोकारवाला पुगेर मंसिर २९ गते वालविवाह छुटाउन अभिभावकलाई आग्रह गरेका थिए। तर, सोहि ठाँउमा मंसिर महिनामा १५ वटा वालविवाह भएको खुल्न आएको छ।

साविकको मर्कावाङ्ग (माण्डवि गाउँपालीका २) मा रहेको सुन्नानि आधार मा.वी. का १५ जना विद्यार्थीले विवाह गरेको श्रोतले जनाएको छ। विद्यालय श्रोतका अनुसार विद्यालयको कक्षा ८ मा ९ जना, कक्षा ९ मा ५ जना र कक्षा १० मा एकजना विद्यार्थीले विवाह गरेका हुन।

स्थानिय र वालसञ्जालले दिएको सुचनाको आधारमा मंसिर १ गते २० वर्षको पुरुष र १८ वर्षकि किसोरीविच भएको वालविवाह छुटाउन मंसिर २९ गते मर्कावाङ्ग पुगिएको जिल्ला वाल सञ्जालका अध्यक्ष प्रेमवहादुर विश्वकर्माले वताए।