मल्लरानी गाँउपालिकाले आर्थिक वर्ष २०७७/०७८ को वजेटमा कोरोना नियन्त्रण र कोरोनाको प्रभावले रोजगारविहिन भएका नागरिकका लागि लघुउध्यम, कृषि र रोजगारीका कार्यक्रमलाई विशेष प्राथमिकता दिएको छ।

४३ करोड ५८ लाख ४६ हजारको वजेट चालू आर्थिक वर्षको वजेटको आकारमा केही वृद्घी भएको छ। चालू आर्थिक वर्षमा ३४ करोड ९३ लाख १८ हजार ६ सय ६१ रुपैयाको वजेट रहेको छ।

आगामि आर्थिक वर्षको वजेटमा कृषि र पशुपालनलाई व्यवसायिकिकरण गरि आयआर्जन वृद्घी गर्ने कार्यक्रमलाई विशेष प्राथमिकता दिईएको गाँउपालिकाका अध्यक्ष अमरध्वज रानाले वताउनु भयो।

कृषि तथा पशुपालनमा कृषकसंग लागत साझेदारीका कार्यक्रमहरुलाई प्राथमिकता दिईएको छ। साथै श्रममुलक कार्यक्रमहरुलाई विशेष प्राथमिकता दिईएको छ। यौटा वडामा कम्तिमा २ लाख वरावरको श्रममुलक आयोजना हुने नीति वनाईएको छ।

आगामी वजेटमा पुर्वाधार र विकासनिर्माणमा नयाँलाई भन्दा क्रमागत आयोजनाहरु र अधुरा आयोजनाहरुलाई प्राथमिकता दिईएको गाँउपालिकाका प्रमुख प्रशासकिय अधिकृत बालकृष्ण थापाले वताउनु भयो।