प्युठानमा कोरोना भाईरस (कोभिड १९) को संक्रमण नियन्त्रण तथा रोकथामका लागि जारी गरिएको निषेधाज्ञामा परिमार्जन गरिएको छ ।

आज दिउसो जिल्ला प्रशासन कार्यालयमा बसेको सर्वदलीय सर्वपक्षिय उपस्थिती सहितको जिल्ला कोभिड १९ संकट व्यवस्थापन समिति (डिसिसिएमसी) को बैठकले सवारीसाधन जोरविजोर नम्वरका आधारमा चलाउने निर्णय गरेको छ । सवारीसाधन चलाउदा स्वास्थ्य सुरक्षा मापदण्ड अनिवार्य पुरा हुनुपर्नेछ । सिटमा आधा यात्रु राखी ५० प्रतिशत भाडा थप लिएर यातायात सञ्चालनमा आउने निर्णय गरिएको प्रमुख जिल्ला अधिकारी खिमराज भुसालले बताउनुभयो ।

साथै बजार पूर्ण रुपमा खुल्ला हुने भएको छ । स्वास्थ्य मापदण्ड भने पूरा गर्नुपर्नेछ। विकास निर्माणका काममा सहजीकरण गरिने र सामुहिक रुपमा कुनै पनि कार्यक्रम गर्न नपाईने उहाँले बताउनुभयो । होटल खुल्ला रहेपनी प्याकेट बेच्न पाउने तर ग्राहक राखेर खुवाउन नपाईने निर्णय भएको उहाँले बताउनुभयो ।