नौवहिनी गाँउपालिकाको सवैभन्दा विकट क्षेत्र मानिने वर्डा नं १ स्याउलिवाङमा पहिलोपटक वैंकिङ प्रणालिमार्फत सामाजिक सुरक्षा भत्ता वितरण गरिएको छ।
नौबहिनी गाउँपालिका र नेपाल ईन्भेष्टमेण्ट बैक लि. बहाने शाखा प्यूठानको सहकार्यमा स्याउलिवाङमा पहिलोपटक बैंकिङ प्रणाली मार्फत सरकारले विभिन्न लक्षित वर्गलाई उपलव्ध गराउदै आएको सामाजिक सुरक्षा वापतको रकम वितरण गरिएको गाँउपालिकाका प्रमुख प्रशासकिय अधिकृत थानेश्वर भण्डारीले वताउनु भयो। दुर्गम क्षेत्रमा वसोवास गर्ने र वैंकको शाखामा पुग्न असहज अवस्था रहेका सामाजिक सुरक्षा भत्ता पाउने नागरिकको सहजताका लागि वर्डाहरुमै पुगेर सामाजिक सुरक्षा भत्ता वितरण गर्ने कार्यक्रम राखिएको प्रमुख प्रशासकिय अधिकृत भण्डारीले वताउनु भयो। उहाँका अनुसार यो वर्षदेखी नौवहिनी गाँउपालिकाका सवै वडाहरुमा वैंकिङ प्रणालिअन्तरगत सामाजिक सुरक्षा भत्ता वितरण थालिएको छ। “सरकारको सामाजिक सुरक्षा वापतको रकम वैकिङ प्रणालिवाट भुक्तानि गर्ने नीति वमोजिम नौवहिनी गाँउपालिकामा पनि वैंकिङ प्रणालिवाट भत्ता वितरण गरिएको हो” भण्डारीले भन्नुभयो -“गतवर्ष ५ वडामा वैंकिङ प्रणालिवाट वितरण गरिएको थियो। यो वर्ष १, २ र ३ वडामा पनि लागू भएसंगै सवै वडामा लागू भएको छ।” यातायातको पहुँच रहेका स्थान र शाखा कार्यालयमा पुगेर सेवा लिन सक्ने क्षेत्रका नागरिकले वैंकको शाखा कार्यालय बहानेवाटै सेवा लिनेछन भने दुर्गम क्षेत्रहरुमा वैंकका कर्मचारी हरु पुगेरै सेवा प्रदान गर्ने वैंक र गाउपालिकाविच सहमती भएको छ।

वर्डा नं १ स्याउलिवाङस्थित कार्यालयमा शनिवार एक कार्यक्रम गरि उक्त कार्यको सुरुवात गरिएको छ। वर्डा नं १ का वर्डा अध्यक्ष शेर बहादुर सेन ठकुरीको अध्यक्षतामा भएको कार्यक्रममा गाँउपालिकाका प्रमुख प्रशासकिय अधिकृत थानेश्वर भण्डारी प्रमुख अथिती रहनुभएको थियो। भने वडा-वडामा पुगेर सेवा दिन गाँउपालिकासंग सहकार्य गरिरहेको नेपाल ईन्भेष्टमेन्ट वैंक बहाने शाखाका प्रमुख सुवास भण्डारी विशिष्ट अथिती रहनुभएको थियो। कार्यपालिका सदस्य लाल प्रसाद सेरचनले स्वागत मन्तव्य राख्नुभएको कार्यक्रमको सञ्चालन वडासचिव अशोक चौधरीले गर्नुभएको पर्वत केसी ले जानकारी दिनुभएको छ।

सवै वडाहरुमा पुगेर सेवा दिन्छौं: भण्डारी
वैंकको शाखा कार्यालय बहानेमा पुगेर सेवा लिन नसक्ने जेष्ठ नागरिकका लागि सवै वडामा पुगेर सेवा दिने नेपाल ईन्भेष्टमेन्ट वैंक वहाने शाखाका प्रमुख सुवास भण्डारीले वताउनु भएको छ। गाँउपालिकासंग सहकार्य गरि सवै वडाहरुमा पुगेर अशक्त नागरीकलाई वैंकिङ प्रणालिमार्फत सामाजिक सुरक्षा भत्ता वितरण गर्ने उहाले वताउनु भयो।