जिल्लामा अधिकांस अपराधका घटनाहरु मदिराको नसामा हुने गरेका छन्। जिल्ला प्रहरि कार्यालयको तथ्यांक अनुसार ९० प्रतिसत अपराधका घटनाहरु मदिराको नसामा हुने गरेको जिल्ला प्रहरी प्रमुख(डिएसपी) राजेन्द्र पोख्रेलले वताउनु भयो।

“अधिकांस अपराधका घटनाहरुको अध्ययन गर्दा घटना घटाउने व्याक्तिले कुनै न कुनै प्रकारको मदिरा वा नसालु पदार्थ सेवन गरेको देखिन्छ” डिएसपी पोख्रेलले भन्नुभयो– “जिल्लामा ९० प्रतिसत अपराधका घटनामा संलग्नहरुले घटना घटाउने वेला मदिरा वा लागुपदार्थ सेवन गरेका हुन्छन्।”

पछिल्लो समयमा जिल्लामा अपराध र विभिन्न प्रकृतीका मुद्धाहरु दर्ता हुने संख्या वढ्दो छ। चालु आर्थिक वर्षमा मात्रै जिल्लामा अपराधसम्वन्धि २ सय ५९ मुद्धा दर्ता भएका छन्। दर्ता भएका १४६ मुद्धा फर्छयौट भएका छन् भने ११३ मुद्धाहरु वांकी छन्। गत आ.व. २०७३/०७४ मा १६२ मुद्धा दर्ता भएका थिए।

टोलटोलमा प्रहरी अभियान अन्र्तगत सञ्चारकर्मिसंग छलफल तथा अन्तरक्रिया कार्यक्रममा वोल्दै डिएसपी पोख्रेलले प्रहरी प्रतिको जनविश्वास र प्रहरीको सक्रियता वढेका कारण उजुरी र अपराधको घटना दर्ता वढेको वताउनु भयो।

प्रहरीले अहिले जिल्लाका विभिन्न मुख्य वजारक्षेत्र, गाउँपालिकाहरुमा सडक नाटक, सांगितिक कार्याक्रम, भिडियो प्रदर्शनी लगायत विभिन्न जनचेतनामुलक कार्यक्रमहरु पनि सञ्चालन गरेको छ।