News Portal

रेडियो सुन्नुहोस्

हाम्रो नजर : बाग्दुला-बाहानेसम्मको यात्रा कहिले होला सहज ?

झुलेनी नेटवर्क२०७८ असौज ५
८५४ पटक
२०७८ असौज ५

उत्तरी प्यूठानको मुख्य व्यापारी केन्द्र बाहाने बजार पुग्ने मुख्य सडकमा यात्रा गर्न निकै सास्ती हुन्छ । हिजोआज जहिँतहिँ खाल्डा खुल्डिले सडक खेतका गहरा जस्तै छ । सडकमा पानी नजमेको देख्नको लागि हिउँद नै पर्खनुपर्छ । सडकको दुरी बाग्दुला देखि बाहाने सम्म १३ किलोमिटर मात्र हो । यो दुरी पार गर्न पैदल त मुस्किलै पर्छ नै गाडीमा सवार गर्दा समेत कम्ति सास्ती हुँदैन ।

वर्षा लाग्यो कि सधंै हिलाम्य, हिउँदमा टिप्परले उडाउँदा धुलोले धुलाम्मै हुन्छ । नौबहिनी ८ लुप्लुङबाट चुनढुङ्गा खानीमा ओहोर दोहोर गर्ने ट्रिपरले बाटो बिगार्छ । खानी उत्खनन् मार्फत कर असुल्ने सरकारले सडकमा प्रयाप्त बजेट बिनियोजन नगर्नाले सडक सुधार हुन सकेको छैन । ट्रिपर हिँड्नका लागि दम्तीदेखि माथि बैकल्पिक सडक छैन । यहाँ अन्य सार्वजनिक सवारी बाहेक दैनिक दर्जन बढी ट्रिपर सहित ओहोर दोहोर गर्छन् ।

कच्ची सडक, बाटोको कुनामा नालीको राम्रो व्यवस्था नहुनु, ठाडो खोलो समेत यसै बाटो भएर बग्ने हुनाले यो सधै हिलाम्य हुने गरेको स्थानीयको गुनासो हुन्छ । चुनढुङ्गा खानी निस्कने ठाउँ अँधेरीदेखि बाहाने सम्मको हालत पनि उस्तै छ । सरकाले गाउँपालकीको केन्द्रसम्म पुग्ने सडक कालोपत्रे गर्ने भन्ने योजना अगाडि सारेको थियो । तर, यहाँ कार्यन्वयन भएको छैन ।

मोटरसाइकल र पैदल यात्रुलाई यो सडकमा यात्रा गरेपछि पूनः फर्केर नआउँ भन्ने जस्तै हालतको सडक छ । खाल्डा खुल्डिमा जम्मा भएको पानी सवारी साधनले छचल्काउँदा सधै असार पन्ध्रको रोपाइको अनुभव स्थानीयले गर्छन् । प्यूठान नगरपालिका र नौबहिनी गाउँपालिकाको क्षेत्रमा पर्ने यो सडकमा केहिँ सास्ति विनाको यात्रा गर्न हिउँद कुर्नुपर्छ ।

प्रतिकृया दिनुहोस्

हामीस‌ग जोडिनुहोस।

कहॉ रोकियो पर्यटकीय पदमार्ग ?

प्यूठानको स्वर्गद्रारीबाट गौमुखी पुग्ने पर्यटकीय पदमार्ग वर्षौ देखि अलपत्र परेको छ । पछिल्ला वर्षहरुमा केन्द्रिय,...

प्यूठानको गौँमुखीमा अरिङगालले टोकेर एक जनाको मृत्यु ,५ घाइते

प्यूठानको गौंमुखी गाउँपालिका ५ खुङमा अरिङगालले टोकेर एक जनाको मृत्यु भएको छ । पाँच जना...

शिक्षा पहिलो प्राथमिकतामा किन पर्दैन?

विषय प्रवेश : हरेक राजनीतिकर्मी, अधिकारकर्मी, समाजसेवी, बौद्धिककर्मीले विकास र समृद्धिका कुरा गर्दा, भाषण गर्दा...

जीवनकाे रङ्ग : बुटिक कलामा रम्दै मनि

फेशन डिजाइन र बुटिकले नङ र मासुको जस्तो सम्बन्ध कायम गरेको छ । फेसन डिजाइनिङ...

    हामिस‌ग जोडिनुहोस।

    समाचार सुचना र मनोरञ्जनका लागी