नवौ राष्ट्रिय खेलकुद प्रतियोगिताका लागि जिल्लामा आजदेखी खेलाडी छनौट प्रकिया सुरु भएको छ । जिल्ला खेलकुद विकास समिती प्यूठानले शुक्रबार नवौ राष्ट्रिय जिल्ला खेलाडी छनौट कार्यक्रमको आयोजना गरि खेलाडी छनौट प्रकिया सुरु गरेको हो । जिल्ला समन्वय समिती प्यूठानका प्रमुख धर्मबहादुर जिसीले कार्यक्रमको उद्घाटन गर्दै राष्ट्रिय मेडेल प्राप्त गर्ने लक्ष्यका साथ उत्कृष्ट खेलाडी छनौट गर्नुपर्नेमा जोड दिए ।

जिल्लाका नौ वटै स्थानीय तहका करिब ३ सय खेलाडीहरु छनौट कार्यक्रममा सहभागी भएका छन् । खेल ८ वटा विधामा खेलाईएको छ । समितीले खेलाडी छनौटका लागि पूण्यखोला कर्भडहल, स्वर्गद्धारी बहुमुखी क्याम्पस र विजुवार खेल मैदानमा विभिन्न खेलहरु संचालन गरेको छ । खेलाडी छनौट आज र भोली गरि दुई दिन गरिने जिल्ला खेलकुद विकास समिती प्यूठानले जनाएको छ ।

नवौ राष्ट्रिय खेलकुद प्रतियोगिता आगामी असोज २८ गतेदेखी कार्तिक ३ गते सम्म गण्डकी प्रदेश पोखरामा संचालन हुदै छ ।