विजय फुलबारी बचत तथा ऋण सहकारी संस्था लिमिटेड प्यूठानको नेतृत्वमा नेत्रमणी आचार्य सर्वसम्मत चयन भएका छन् । संस्थाको प्रथम वार्षिक साधारण सभाबाट अध्यक्षमा आचार्य, उपाध्यक्षमा राधा पुलामी, सचिव महन सुवेदी, कोषध्यक्ष किरण केसी चयन भएका हुन् ।

त्यस्तै सदस्यहरुमा तारा विष्ट, सुशिला नेपाली, प्रभात श्रेष्ठ, खिम बहादुर जिसी, शंकर प्रसाद आचार्य, नरेश्वर लम्साल चयन भएका हुन् । त्यस्तै लेखा समिती संयोजक शुसिल पोख्रेल सहिते सदस्यमा गोमा पोख्रेल, चन्द्र घर्ति चयन भएका हुन् ।

सानो बचत ठुलो काम, आफ्नै हातले जोडौ माम भन्ने मुल नाराका साथ संस्थाको विजुवार, खैरा, खंलगामा शनिबार साधारण सभा सम्पन्न भएको हो । विजयी लक्ष्मी सहकारी संस्था र फुलबारी बचत तथा ऋण सहकारी संस्था एकीकरण पश्चात विजय फुलबारी बचत तथा ऋण सहकारी संस्था लिमिटेड नाममा २०७९ जेठ २४ गते लुम्बिनी प्रदेशमा दर्ता भई एकीकरणको स्वीकृत प्राप्त गरेको थियो ।

सहकारी संस्थामा हाल सम्म ४ हजार ९ सय ९२ सदस्यहरु आवद्ध छन् । संस्थाको कुल शेयर पुँजी २० करोड ७७ लाख ६५ हजार ६ सय ९३ रुपैया ५२ पैसा रहेको संस्थाले जनाएको छ ।