बाेम बहादुर परियार
मंसिर २० सोमबार
१९ औ सामुदायिक महिला स्वास्थ्य स्वयंम सेबिका दिबस प्युठान मा पनि भब्य रुपले मनाईएको छ । दिबसका अबसरमा २४ सै घन्टा सामुदायिक स्वास्थ सेवामा खटिने स्वयंसेबिकाहरुलाई सम्मान गर्दै जिल्लाभर यो दिबस मनाइएको हो । मल्लरानी गाउपालिका ३ ले सोमबार धरम्पानी स्वास्थ चौकी अन्तरगतका १३ जना महिला स्वास्थ्य स्वयंसेबिकाहरुलाई नगद ५ हजार र प्रेसर जाँच गर्ने मेसिन ( बिपि सेट ) झोला छाता डायरि दिदै अबिर माला लगाएर सम्मान गरेको छ । साथै महिला स्वास्थ्य स्वयंमसेबिका र आमा समुहलाई सहभागी गराई हाजिरिजबाफ प्रतियोगिता समेत सम्पन्न गरिएको हो । छ वटा समुहमा संचालन गरिएको प्रतियोगितामा कुला आचार्यको समूह प्रथम , ललिता केसि को समूह दोस्रो र सान्ता श्रेष्ठको समूह तेस्रो भएका छन । बिजेता हुनेले क्रमश २००० ,१५०० र १००० प्राप्त गरेका छन । त्यस्तै कार्यक्रममा उत्कृष्ट ३ जना महिला स्वास्थ्य स्वयंसेबिका ललिता के सि , सरस्वती बोहोरा र मायादेबी पौडेललाई सम्मान पत्र र दोसल्ला लगाएर सम्मान गरिएको हो । धरम्पानी स्वास्थ्य चौकिको सभाहलमा गरिएको कार्यक्रममा वडा अध्यक्ष नोमराज पौडेलले महिला स्वास्थ्य स्वयंमसेबिका समुदायको डाक्टर रहेको बताएका छन । मल्लरानी गाउपालिका वडा नं ३ का जेष्ठ नागरिकका लागि घरमै स्वास्थ्य सेवा दिने निर्णय गरेको पौडेलले बताएका छन । १९अाै महिला स्वास्थ्य स्वयम् सेविका दिवसकाे अवसर पारि मल्लरानी गाउँपालिका वडा नं ३ मा ६८ बर्ष देखि माथिका जेष्ठ नागरिकहरुकाे रक्तचाप ( ब्लड प्रेसर) नापी अावश्यक स्वास्थ्य सुझाव दिन कार्यक्रमकाे सुरुवात गरिएकाे बताए । उनले स्वयंसेबिकाहरुको प्रोत्साहनका लागि वडाबाट १ लाख बजेट बिनियोजन गरेको बताए । त्यस्तै समुदायमा धेरै दिर्घ रोगिहरु रहेको र ब्लड प्रेसर कै कारण मानिसहरु ज्यान गुमाउन नपरोस समय समयमा आफ्नो प्रेसर घरमै जाँच गर्न पाउनु पर्छ भन्ने उदेश्यले महिला स्वास्थ स्वयमसेबिकालाई बिपि सेट उपलब्ध गराएको वडा अध्यक्ष पौडेल ले बताए । त्यस्तै दैनीक ४० देखि ५० वटा बिरामी आउने धरमपानी स्वास्थ्य सस्थामा छिटै ल्याब सेवा समेत स्थापना गर्न पहल गरिएको उनको भनाई छ । त्यस्तै कार्यक्रममा बोल्दै धरमपानी स्वास्थ्य चौकिका प्रमुख टुकाराम पोख्रेल ले सस्थाका गतिविधि बारे जानकारी गराउदै स्वास्थ्य सस्थालाई माथी उठाउनको लागि महिला स्वास्थ्य स्वयंसेबिकाको विशेष भुमिका रहेको बताए । त्यस्तै नया स्थानिय सरकार गठन भएपछी महिला स्वास्थ स्वयंसेबिका हरुको पारीसर्मिकमा हेरफेर भएको अनुभूति गरिएको बताए । त्यस्तै कार्यक्रमका प्रमुख अथिती मल्लरानी गाउपालिकाका अध्यक्ष कृष्ण बहादुर खड्काले स्वास्थ्य स्वयंसेबिकाको आबस्यकतालाई मध्यनजर गर्दै सक्दो पारिश्रमिक को ब्याबस्था मिलाउने बताए । त्यस्तै आफ्ना लागि यो दिबस विशेष दिन रहेको बताउदै महिला स्वास्थ स्वयंसेबिका सरस्वती बोहोराले खुसी व्यक्त गरेकी थिईन । उनले भनिन यस अघिका दिवस हरु दिबस मा मात्र सिमित थिए तर अहिले हामी सबै स्वयंसेबिकाहरुलाई यो सम्मान ले अझ जिम्मेवार बढेको र खुसी थपिएको छ । जिल्लाको सबैभना ठूलो वडा समेत रहेको मल्लरानी गाउपालिका ३ नम्बर वडाले साबिक का १३ वटा वडाका मानिसहरुलाइ सेवा दिदै आएको छ ।
