माण्डवी गाउँपालिका अध्यक्ष नमराज अधिकारी (रोसनले डामृखोला खरिबाङ धन्चौर ग्यान बैजेरी कुइरेपानी हुँदै भातमारे मुर्कुटी सडकको अबलोकन गरेका छन् । निर्माण कार्य जारी रहेको सडकको अबलोकन पछि उनले समयमा नै काम सप्पन्न गर्ने सम्बन्धित पक्षलाई अनुरोध गर्दै स्थानीय सरकार सधै जनताको साथमा रहेको बताए । जनताको समस्याको पहिचान गरि समाधान गर्न तर्फ सधैं लागिरहने समेत बताएका छन् । यसै गरि भातमारे लेखमा निर्माण हुनलागेको पर्यटकिय स्थलको पनि गाउँपालिका अध्यक्ष अधिकारीले निरीक्षण गरे। निरीक्षणका क्रममा उनले निर्माणधिन संरचनाको काम समयमै सम्पन्न गर्नुका साथै गुणस्तरीय र प्राविधिक मापदण्ड अनुसार गर्न सम्वन्धित पक्षलाइ निर्देशन दिए । अबलोकनमा वडा नं २ का वडा अध्यक्ष प्रकाश वलि,वडा सदस्य यम बहादुर पुन,समाजसेवी छबिलाल पुन लगायत सरोकारवाला,उपभोक्ता र स्थानीयहरुको पनि सहभागिता रहेको थियो ।