गरिबी निवारणका लागि लघु उद्यम विकास तालिम सुरु भएको छ । माण्डवी गाउँपािलका वडा नं.१ तिराममा सञ्चालन हुन लागेको तालिमको उद्घाटन गाउँपालिका अध्यक्ष नवराज अधिकारीले गर्नुभएको हो । उद्घाटन कार्यक्रममा बोल्दै अध्यक्ष अधिकारीले तालिम उपलब्धीमुलक हुनुपर्ने बताएका छन् । साथै उनले तालिम प्राप्त गरिसकेपछि सिकेको सिपलाई सदुपयोग गर्दै निरन्तर र लगनशील तरिकाले व्यवसायीक हुनुपर्नेमा जोड दिनुपर्ने बताए ।

आज देखी सुरु भएको गरिबी निवारणका लागि लघु उद्यम विकास तालिम माघ १९ गते सम्म चल्ने बरिष्ठ लघु उद्यम विकास सहजकर्ता फुर्स बहादुर नेपालीले बताएका छन् । गाउँपालिका उपाध्यक्ष पुर्ण प्रसाद कालाथोकीको विशेष आथित्यता र वडा नं.१ तिरामका वडा अध्यक्ष बाम बहदुर बुढाको अध्यक्षता रहेको तालिमको सहजीकरण लघु उद्यम विकास सहजकर्ता फुर्स बहादुर नेपालीले गर्नुभएको थियो । तालिममा २५ जना प्रशिक्षार्थीहरु सहभागी भएका छन् ।