२०७९ चैत्र २२ प्यूठानप्यूठानमा बन डढेलो नियन्त्रण तथा व्यवस्थापन सम्बन्धि कार्यक्रम बुधबारबाट सुरु भएको छ ।
डिभिजन बन कार्यालय प्यूठानको आयोजना तथा सरुमारानी गाउँपालिकाको सहकार्यमा ददेरी सामुदायिक बन, धुलेखा सामुदायिक बन, र घेडखेली सामुदायिक बन क्षेत्र रहेको ठाउँसम्म बन डढेलो नियन्त्रण तथा व्यवस्थापन सम्बन्धि कार्यक्रम गरिएको डिभिज बन कार्यालय प्यूठानले जनाएको छ ।
गाडीमा यात्रा गर्दा वा पैदल यात्रा गर्ने व्यक्तिहरुले चुरोट खाएर फाल्दा आगो लाग्न सक्ने संभावना हुने भएकाले सडक छेउछाउँमा रहेका पतकर तथा फोहोरहरुलाई व्यवस्थापन गरिएको डिभिजन बन कार्यालय प्यूठानका रेञ्जर हरि पौडेलले जानकारी दिए ।
पौडेलका अनुसार हिउद लागेपछि प्राय बनमा आगलागि भइरहने हुँदा त्यस्तो हुन नदिन रोकथाम तथा न्यूनिकरण गर्न सो कार्यक्रम गरिएको रेञ्जर पौडेलले बताए ।
बुधबार ति बाटोको दायाँबायाँ मा रहेका फोहोरहरुलाई जलाउने र व्यवस्थापन गर्ने कार्य भएको छ । कार्यक्रममा ३ सय बढिको उपस्थित रहेको पनि रेञ्जर पौडेलले बताए ।
साथै भोलि विहिबार भालुवाङ प्यूठान सडकखण्ड अन्तरगत प्यूठानको दर्भान देखी वडडाडाँ सम्म निरन्तर कार्यमा अग्रसर हुने बताएका छन् । यो कार्यक्रम एक हप्तासम्म चल्ने डिभिजन बन कार्यालयका रेञ्जर पौडेलले जानकारी दिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
