![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/05/Naubhani-ganatantra-600x400.jpg)
१६औं गणतन्त्र दिवस नौबहिनी गाउँपालिकाले पनि मनाएको छ । गणतन्त्र दिवसको अवसरमा नौबहिनी गाउँपालिकाले सोमबार बहाने बजार क्षेत्र सरसफाई गरेर मनाएको हो ।
पालिका क्षेत्रभित्र रहेका फोहोर जन्य पदार्थहरुलाई कुहिने बस्तु र नकुहिने बस्तुमा छुट्याई फोहोरलाई व्यवस्थापन गरिएको नौबहिनी गाउँपालिका अध्यक्ष डिलबहादुर थापाले जानकारी दिए ।
त्यस्तै लामो समयसम्म पालिकाको वरिपरि बस्दै आएकी मानीक सन्तुलन ठिक नभएकी एक महिलालाई नुहाई कपाल काटिदिएर नयाँ कपडा समेत लगाईदिएको नौबहिनी गाउँपालिका प्रमुख प्रशासकीय अधिकृत शिवराज पौडेलले बताए ।
गाउँपालिकाले पालिका भित्र रहेका १० वटा मा.वि का विद्यार्थीहरुको लागि गणतान्त्रि व्यवस्थाले शैक्षिक क्षेत्रमा ल्याएको सुधार बिषयमा बक्तृत्वकला प्रतियोगिताको समेत आयोजना गरेको थियो ।
त्यस्तै गत बर्ष एसईई परीक्षामा प्रथम हुने छात्र,छात्रा र विद्यालय, ८ कक्षामा प्रथम हुने छात्र,छात्रा र विद्यालयका साथै ८ कक्षासम्म पढाउने बिज्ञान, गणित र अंग्रेजी बिषयका उत्कृष्ट शिक्षक शिक्षिकाहरुलाई सम्मान तथा पुरस्कार पनि वितरण गरेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)