नेपाल विद्याथी संघ जिल्ला कार्य समिति प्यूठानले एक कार्यक्रमका बिच शुक्रबार स्वर्गद्धारी बहुमुखी क्याम्पस पुण्यखोलामा सेनिटरी प्याड भेन्डिङ्ग मेसिन क्याम्पसलाइ प्रदान गरेको छ । महिलाहरु महिनावारी हुँदा प्याडको अभाव र दुषित कपडाको प्रयोगले संक्रमण हुनबाट रोक्न मेसिन प्रदान गरेको जनाएको छ ।

महिनावारी हुँदा कक्षा छोडेर फर्कनुपर्ने वाध्यता लगायतका समस्याहरुलाई मध्यनजर गरि मेसिन उपलब्ध गराईएको नेविसंघ जिल्ला सचिव पारस भण्डारीले जानकारी दिए । नेविसंघले पहिलो चरणमा स्वर्गद्धारी बहुमुखी क्याम्पस पुण्यखोलालाइ प्रदान गरेको हो ।

मेसिन प्रदान गर्ने कार्यक्रमा नेपाली कांग्रेस लुम्बिनी प्रदेश सह–महामन्त्री एवंम लुम्बिनी प्रदेश सभा सदस्य निमा गिरी, नेपाली कांग्रेस जिल्ला सचिव एनपि मगर, पत्रकार महासंघ जिल्ला अध्यक्ष सञ्जय रिजाल, प्रेस यूनियन जिल्ला अध्यक्ष मधुसुदन भण्डारी, स्वर्गद्धारी बहुमुखी क्याम्पस प्रमुख गुञ्ज बहादुर खड्का लगायतको सहभागिता रहेको थियो ।