![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/11/Untitled-1-copy-7-768x400.jpg)
भूकम्पको धक्का प्यूठानमा समेत महसुस भएको थियो । गएराती ११ बजेर ४७ मिनेटमा ६ दशमलब ४ रेक्टरस्केलको भूकम्प गएको हो । सोही धक्काले प्यूठानमा पनि सामान्य क्षति गरेको छ । भूकम्पका कारण प्यूठानको गौमुखी गाउँपालिका, झिमरुक गाउँपालिका र माण्डवी गाउँपालिकामा सामान्य क्षति पुगेको छ।
भूकम्प आएपछि गौमुखीमा राती भाग्न खोज्दा ठुलाबेसी निवासी बसन्ता न्यौपाने घाइते भइ राती नै बिजुवार अस्पताल पुर्याइएको थियो । उनको खुट्टामा चोट लागेको हो । त्यस्तै झिमरुक गाउँपालिका २ बादिकोटमा पूर्ण बहादुर खड्काको घर आशिंक रुपमा क्षति भएको छ भने सोही ठाउँका रुम बहादु खड्को गोठमा क्षति पुर्याएको वडाध्यक्ष कृष्ण प्रसाद पोख्रेलले जानकारी दिए ।
उता माण्डवी गाउँपालिका ३ मा पनि नम बहादुर घर्तिको घरमा आशिंक क्षति भएको वडाध्यक्ष धनेन्द्र कार्कीले जानकारी दिए । उनका अनुसार वडा नं १ का गोकर्ण नेपालीको खुट्टामा चोट लागेको छ । उनको जिल्ला अस्पताल बिजुवारमा सामान्य उपचारपछि थप उपचारको लागि बुटवल रेफर गरिएको छ ।
फोटो : धनेन्द्र कार्की
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)