तमु ह्युल छोज धी गुरुङ राष्ट्रिय परिषद् सरुमारानी गाउंपालिका समितिले सरकारले आदिबासी जनजातिको प्रमुख चाडमा गरेको बिदा खारेजीको निर्णयमा आपत्ति जनाउदै मंगलबार ज्ञापन पत्र बुझाएका छन । सरुमारानी गाउपालिका उपाध्यक्ष मिना कुमारी सोमै समक्ष ज्ञापनपत्र पेश गर्दै उनिहरुले सरकारले कटौती गरेको सार्वजनिक बिदा यथाशिघ्र पुर्नस्थापित गर्न माग गरेका हुन। आदिबासी जनजाति समुदायको तमू ल्होसार, सोनम ल्होछार, ग्याल्बो ल्होसार, माघी ÷ मागे सक्रान्ती जस्ता प्रमुख चाडपर्वलाई राष्ट्रिय चाडपर्वको रुपमा एक दिनको दरले दिदै आएको सार्वजनिक बिदालाई नेपाल सरकारले समृद्धिको लागि काम गर्नु पर्ने बहाना बनाएर खारेजीको निर्णय गरेकोमा आपत्ति जनाउदै गाउपालिका मार्फत सरकारलाई ध्यानाकर्षण गराईएको तमु ह्युल छोज धी गुरुङ राष्ट्रिय परिषद् सरुमारानी गाउंपालिका समिति अध्यक्ष डण्ड गुरुङले बताउनुभयो ।
पहिलो तथा दास्रो ऐतिहासिक जनआन्दोलनको उपलब्धिले पाएको अधिकार, आदिबासी जानतातिको माग बिपरित कुनैप्रकारको छलफल, परामर्श नलिई सरकारले एकलौटी ढंगबाट बिदा कटौती गरेकोले बिरोध जनाउदै ज्ञापन पत्र बुझाएको उहाँले बताउनुभयो । सरकार सबै नेपालीको साझा अभिभावक हो भन्ने महसुस भएन । अध्यक्ष गुरुङले भन्नुभयोे,–‘सरकारले कसैलाई काखा कसैलाई पाखा गर्दा हाम्रो चित्त दुखेको छ । ’यदी कुनै पनि बाहानामा हाम्रो मागहरुलाई बेवास्ता गरिएमा सशक्त आन्दोलन गर्न हामी बाध्य हुनेछौ र त्यस आन्दोलनबाट उत्पन्न परिणामको जिम्मेवारी स्वयं नेपाल सरकार नै हुनेछ ।
सरुमारानी गाउँपालिका २ का वडा सदस्य मिण्टु गुरुङले नजिकिदै गरेको २६०२ औ तमु ्होछार पर्व पुस १५ का दिन गाउसरकारले सार्वजनिक बिदा दिन माग गरेका छन् । हरेक बर्ष पुस १५ को दिन ल्हो अर्थात बर्ष फेरिने भएकाले यो दिनलाई ल्होछार पर्वको रुपमा मानिएको हो ।स्मरण रहोस प्युठानमा पनि गुरुङ समुदायको पर्व ल्होसार विभिन्न कार्यक्रम गरि हर्सोउल्लासका साथ मनाइन्छ ।
सरुमारानी गाउपालिकाको सिरवारी,हंसपुर र दर्भानमा एक सय घरधुरी गुरुङ समुदायको बसोबास छ।
आदिबासीको प्रमुख चाडमा बिदा हुनु पर्ने माग गर्दै ज्ञापन पत्र
सिखबर संवाददाताप्युठान,२५ मंसिर
प्युठान,२५ मंसिरहुलाक नियमावली संशोधनसँगै हुलाक कर्मचारी कटौती
सरकारले अतिरिक्त हुलाक नियमावली संशोधन गरेसंगै हुलाक सेवामा कार्यरत १० हजार पाँच सय भन्दा बढी कर्मचारीले अवकाश...
वडाध्यक्षद्वारा आगलागी पीडितलाई आर्थिक सहयोग
माण्डवी गाउँपालिका ३ का वडाध्यक्ष धनेन्द्र कार्कीले आगलागी पीडितलाई आर्थिक सहयोग गरेका छन् । बुधबार...
जिवावती सामुदायिक विपद व्यवस्थापन समितिले आगलागी पिडितलाई राहत सामाग्री दियो
जिबावती सामुदायिक विपद व्यवस्थापन समितिले प्यूठान नगरपालिका ३ बिजयनगरका आगलागी पिडितलाई राहत सामाग्री उपलब्ध गराएकोे...
गजल वाचन तथा लेखन प्रशिक्षण कार्यक्रम पुण्यखोलामा सम्पन्न
गजल वाचन तथा लेखन प्रशिक्षण कार्यक्रम स्वर्गद्धारी बहुमुखी क्याम्पस पुण्यखोलामा सम्पन्न भएको छ । कार्यक्रमका...
प्यूठानमा बैंक तथा वित्तिय संस्थाहरुको तदर्थ समिति गठन
प्यूठान जिल्लामा बैंक तथा वित्तिय संस्थाहरुको तदर्थ समिति गठन गरिएको छ । जिल्लाका सबै बैंक...