नौबहिनी गाउँपालिकामा विषयगत समितिको बैठक सकिएको छ । आज सोमबार बसेको विभिन्न शाखाका शाखा प्रमुखहरुको सहभागितामा आर्थिक बर्ष २०८१÷०८२ को बजेट वाडफाड अन्तरगत प्रारम्भिक चरणमा सामाजिक विकास अन्तरगत शिक्षा, स्वास्थ्य र समावेशीकरण तर्फका विभिन्न शिर्षकहरुमा छलफल भएको हो । छलफलका क्रममा विषयगत समितका प्रमुखहरुले पहिलेको भन्दा यस आर्थिक बर्षमा विनियोजन हुने बजेटलाई व्यवस्थित तरिकाले सम्पन्न हुने गरी बजेटको आकार बनाउन आग्रह गरेका छन् । त्यस्तै जनतासँग सम्बन्धित कार्यक्रमलाई अघि सार्न समेत सुझाब दिएका छन् ।

आर्थिक बर्ष २०८१/०८२ को लागि शिक्षातर्फ २ करोड ७६ लाख, स्वास्थ्यमा १ करोड ७३ लाख, लघुउद्यम तर्फ ४० लाखको बजेट विनियोजन गर्न शाखाले माग गरेको नौबहिनी गाउँपालिकाका अध्यक्ष दिल बहादुर थापाले जानकारी दिए । सहभागिहरुको सुझाब अनुसार शिक्षा स्वास्थ्यलाई प्राथमिकतामा राखेर बजेट बाँडफाड गर्ने नौबहिनी गाउँपालिकाका प्रमुख प्रशासकीय अधिकृत शिवराज पौडेलको भनाई छ ।

सामाजिक विकास समितिका अध्यक्ष घन बहादुर बुढा मगरको अध्यक्षतामा भएको बैठकमा उपाध्य बिष्णा थापा, वडाका वडाध्यक्षहरु, सामाजिक विकास समितिका सदस्य लगायतको सहभागिता थियो ।