२०८१ मंसिर २माण्डवी गाउँपालिका–५ चकचकेमा मेला सकिएसंगै जिल्लामा तिहारपछि लाग्ने मुख्य मेलाहरु सकिएका छन् ।
आइतबार चकचके स्थित माडी नदि किनारमा मेला सम्पन्न भएको हो । मेलामा प्यूठान नगरपालिका–१ खैराको सरायँ नाँच प्रदर्शन गरिएको मेला व्यवस्थापन समितिका अध्यक्ष गणेश बस्नेतले जानकारी दिए । बस्नेतका अनुसार सरायँ संगै माण्डवी गाउँपालिका –२ खरिवाङ, पुकरुक र माण्डवी गाउँपालिका–५ चकचकेको सोरठीभैलो समेत प्रदर्शन गरिएको छ ।
चकचकेमा पूर्णिमाको दुई दिन पछि अर्थात कार्तिक शुक्ल द्धितियामा परापूर्व कालदेखि मेला लाग्दै आएको बस्नेतले बताए । साझको समयमा लाग्दै आएको मेला संकटकाल देखि दिउसो गर्न थालिएको छ ।
यो मेला संगै जिल्लामा तिहारयता लाग्ने सराय मेलाहरु सम्पन्न भएका छन् । भाइटिकाको दिन लुप्लुङमा सरायँ लाग्ने गर्दछ । त्यसको भोली पल्ट डल्ले सरायँ क्रमशः चितिखोला, बालमन्दिर तथा ढुङ्गेठाटी, पूर्णिमामा बहाने, रिठ्ठघाट, सारीवाङ र खैरामा सराय मेला लाग्ने गर्दछन् । चकचके सरायँ मेला संगै सराय मेला सकिएका छन् ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
