झिमरुक गाउँपालिका ६ निवासी रेसम सुनारले आफू जातीय विभेदमा परेको भन्दै बुधवार जिल्ला प्रहरी कार्यालयमा मुद्दा दर्ता गराएका छन् ।  झिमरुक गाउँपालिकाका उपाध्यक्ष तथा न्यायिक समितिका संयोजक  प्रमोद पोख्रेलले जातीय विभेद गरेको भन्दै सुनारले मुद्दा दर्ता गरेको बताए ।

जिल्ला प्रहरी कार्यालय प्यूठानका अनुसार उनको मुद्दा ७८ नम्बरमा दर्ता भएको छ । मुद्दा दर्ता गरिसकिएको र यस विषयमा थप अनुसन्धान भइरहेको  जिल्ला  प्रहरी कार्यालय प्यूठानका प्रहरी प्रमुख डी.एस.पी दिपेश बस्यालले बताए ।

सुनारले झिमरुक गाउँपालिकाको उपाध्यक्षले प्रयोग गर्ने भाडाको गाडी चलाउँदै आएका थिए ।

उपाध्यक्ष पोख्रेलले जातीय विभेद गरेको आरोपको खण्डन गरेका छन् । गत बिहीबार विज्ञप्ति जारी गर्दै पोख्रेलले भाडामा सञ्चालन गरेको गाडीको म्याद असोज मसान्तमा सकिएको र म्याद थपको लागि कार्यपालिकाले निर्णय गर्ने विषयमा आफ्नो नाम जोडेर राजनीतिक प्रतिशोध साधेर गाडी धनीले उक्त आरोप लगाएको बताएका छन् ।