प्युठान बिजुवार देखि बाग्दुला तर्फ कुखुराको चल्ला बोकेर जाँदै गरेको पिकअपको ठक्करबाट सोमबार एकजनाको मृत्यु भएको छ। प्युठान नगरपालिका ७ पुण्र्यखोलामा से १ च २१७३ लिपकोट निवासी ६३ बर्र्षीय ईश्वर वहादुर बिकको मृत्यु भएको जिल्ला प्रहरी कार्यालय प्युठान प्रहरी प्रमुख प्रहरी नायव उपरिक्षक निर्मल बुढाथोकीले जानकारी गराए । उनको जिल्ला अस्पताल बिजुवारमा उपचारको क्रममा ज्यान गएको हो। मृतकको लास पोष्टमार्टमका लागि जिल्ला अस्पतालमा राखीएको छ । गाडी चालक झिमरुक गाउँपालिका‐५ का अजय पोख्रेल सहित गाडी प्रहरी नियन्त्रणमा राखिएको छ। न्यौपाने एग्रोभेट सेन्टर बाग्दुलाको चल्ला बोकेर जीप बाग्दुला तर्फ जाँदै थियो । सडक किनारमा पैदल हिडिरहेका बिकलाई जिप अनियन्त्रीतभई ठक्कर दिएको थियो ।
मृत अवस्थामा फेला
त्यस्तै,सोमबार प्युठान नगरपालिका ७ बाग्दुला स्थित लाइफकेयर अस्पतालको पछाडी कुलामा एक युवक मृत अबस्थामा भेटिएका छन। दाङ घोराही नगरपालिका १८ का बर्स २५ का अनिल चौधरी मृत अबस्थामा भेटिएका हुन। चौधरी घर निर्माणकार्यमा लेबर काम गर्दै आएका थिए।आईतबार साझ देखि चौधरी हराईरहेका थिए।