झिमरुक गाउँपालिकाका अध्यक्ष पित बहादुर महतरा क्षेत्रीले होटल व्यवसाय देशको आर्थिक प्रणालीमा सकारात्मक प्रभाव पार्ने व्यवसाय रहेको बताएका छन् ।

शनिवार होटल व्यवसायी सङ्घ तथा पर्यटन सूचना केन्द्र झिमरुक बजार इलाकाको अधिवेशनलाई सम्बोधन गर्दै महतराले यस्तो बताएका हुन्।

अधिवेशनले राम बहादुर महतराको नेतृत्वमा ११ सदस्यीय कार्यसमिति निर्वाचित गरेको छ ।

यससँगै जिल्ला ९ वटै स्थानीय तह अन्तरगतका बजार इलाकामा अधिवेशन सम्पन्न भएको होटल व्यवसायी सङ्घ तथा पर्यटन सूचना केन्द्रका अध्यक्ष जुद्ध बहादुर कुवरले जानकारी दिए ।

उनका अनुसार सरुमारानी बजार क्षेत्रमा कृष्ण थापा , माण्डवी बजार क्षेत्रमा नवीन डुम्रे, स्वर्गद्वारी नगर बजार क्षेत्रमा डम्बर श्रेष्ठ , प्यूठान नगर बजार क्षेत्रमा टङ्क थापा , ऐरावती बजार क्षेत्रमा विक्रम साही , मल्लरानी बजार क्षेत्रमा जगनाथ श्रेष्ठ , नौवहिनी बजार क्षेत्रमा मधुसूदन घिमिरे र गौमुखी बजार क्षेत्रमा डुकमान गुरुङको नेतृत्वमा नयाँ कार्यसमिति निर्वाचित भएका छन् ।

फागुन २४ गते  तेह्रौँ साधारण सभा तथा छैटौँ जिल्ला अधिवेशन सम्पन्न गर्ने गरी आवश्यक तयारी थालिएको अध्यक्ष कुवरले बताए ।