भ्रस्टाचार नियन्त्रण तथा सुशासन प्रवद्र्धन सम्बन्धि अन्तरक्रिया कार्यक्रम सरुमारानीमा सम्पन्न भएको छ ।

अख्तियार दुरुपयोग अनुसन्धान आयोगको कार्यालय बुटवलको आयोजनामा भएको स्थानीय तह स्तरीय कार्यक्रममा स्थानीय तहमा हुने भ्रष्टाचार नियन्त्रणका अभ्यासहरु र सुशासन प्रवद्र्धनका विषयमा छलफल भएको थियो ।

जनप्रतिनिधि, कर्मचारी र सरोकारवालाको उपस्थितीमा भएको कार्यक्रममा स्थानीय तहमा सुशासन कायम गर्नका लागि भईरहेका अभ्यासहरुबारे छलफल भएको हो ।

कार्यक्रममा स्थानीय तहका विषयमा अख्तियारमा उजुरी धेरै पर्ने गरेको जानकारी गराईएको छ । स्थानीय तहका ५ सय ८९ वटा उजुरी अहिले पनि अनुसन्धानको क्रममै रहेको अख्तियारले जनाएको छ । जसमध्ये २२ उजुरी प्यूठानबाट परेका छन् ।