नेकपा माओवादी केन्द्रका नेता प्रतिनिधि सभा सदस्य माधव सापकोटाले वर्तमान सरकार नैतिक रुपमा ढलिसकेको र प्राविधिक रुपमा मात्र बाँकी रहेको जिकिर गरेका छन्।

मङ्गलबार प्यूठानमा प्रेस सेन्टर नेपालको आयोजनामा भएको पत्रकार भेटघाटमा सापकोटाले यो सरकार नरहँदा बैकल्पिक सरकार कस्तो हुने भन्ने स्पस्ट नभईसकेकाले प्राविधिक रुपमा मात्र बाँकी रहेको बताए।

माओवादी जनतातर्फ फर्किएकाले सरकारमा ध्यान नरहेको तर, काँग्रेसको नेतृत्वमा सरकार बन्ने अवस्थामा त्यो सरकारको समर्थन गर्ने उनले बताए।

फरक प्रसंगमा पत्रकारको प्रश्नको जवाफ दिदै उनले अहिले माओवादीमा मुल नेतृत्वको सन्दर्भमा पुष्पकमल दाहालको विकल्प नरहेको बताए ।