विजुवार बजार देखी प्यूठान अस्पताल जाने सडक एकतर्फी सञ्चालन हुने भएको छ । उक्त सडक छेउँमा पार्किङ निषेध गरिएको छ । आईतवार प्यूठान अस्पतालमा बसेको सरोकारवालाको बैठकले सडक अनुगमन गरि यस्तो निर्णय गरेको हो ।

अस्पताल पुग्ने सडक साघुरो र अपर्याप्त पार्किङका कारण दुर्घटना हुन सक्ने जोखिम र स्वास्थ्य संवेदनशिलतालाइ ध्यानमा राखी सोमवारदेखी लागु हुने गरि सडक छेउँमा पार्किङ निशेध गरिएको छ ।

प्यूठान अस्पतालमा पुग्ने २ वटा सडक एकतर्फी मात्र संचालन गर्नेगरि एक हप्ता भित्रै बैकल्पीक बाटो तोक्ने र ट्राफिक व्यवस्थापन सहज बनाउन यस्तो निर्णय गरिएको प्यूठान अस्पतालका प्रमुख डाक्टर ओम प्रसाद अर्यालले जानकारी दिए ।