शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।

झिमरुक गाउँपालिका वडा नं. २ गडेरपानीमा रहेको उक्त विद्यालय सामुदायिक विद्यालयतर्फ उत्कृष्ट नतिजा ल्याउन सफल भएको हो ।

उक्त विद्यालयमा ९५.८३ प्रतिशत विद्यार्थी ग्रेडेड भएको शिक्षा विकास तथा समन्वय ईकाई प्यूठानले जनाएको छ । २४ विद्यार्थी रहेको विद्यालयमा २३ विद्यार्थी ग्रेडेड भएका हुन ।

गतवर्षको नतिजामा २ जना मात्र ग्रेडेड भएको उक्त विद्यालय यो वर्ष जिल्लामै उत्कृष्ट भएको गाउँपालिकाले जनाएको छ ।

गाउँपालिकाको समग्र नतिजामा ६७.५७ प्रतिशत नतिजा हासिल भएको जिल्लामै प्रथम र तृतिय स्थान झिमरुकका दुई विद्यालयले लिन सफल भएको भन्दै गाउँपालिका अध्यक्ष पित बहादुर महतरा क्षेत्रीले सबैलाई धन्यवाद दिएका छन् ।

गाउँपालिकाको योजना एवं शिक्षक, अभिभावक र विद्यार्थीको संयुक्त प्रयासले नतिजा सुधार भएको महतराको भनाई छ ।