प्यूठान,
प्यूठानको मल्लरानी गाउँपालिकाको प्रशासकीय भवन निर्माण कार्य सुरु भएको छ । गाउँपालिका अध्यक्ष कृष्ण बहादुर खड्का र उपाध्यक्ष रमेश कुमार श्रेष्ठले आज संयुक्त रूपमा भवनको शिलान्यास गरेका हुन् ।

२०८२ चैत्र २७ गते शुभम निर्माण सेवा/सुनिल एण्ड विजय कन्स्ट्रक्सन प्रा.लि जेभी रोल्पासँग २०८४ असार २० गतेभित्र काम सम्पन्न गर्ने गरी सम्झौता भएको गाउँपालिकाका इन्जिनियर हेमराज बस्नेतले जानकारी दिए । उनका अनुसार भवन ६ करोड ७२ लाख ७५ हजार ८ सय ३८ रुपैँया २० पैसा लागत निर्माण सम्पन्न हुनेछ । भवन ३ सय ५७ दशमलव ५ वर्गमिटर क्षेत्रफलमा बन्ने उनले बताए ।

नयाँ प्रशासकीय भवन निर्माणपछि गाउँपालिकाबाट प्रदान गरिने सेवा प्रवाह थप व्यवस्थित, प्रभावकारी र नागरिकमैत्री हुने अपेक्षा गरिएको छ। शिलान्यास कार्यक्रममा पालिकाका जनप्रतिनिधिहरु, कर्मचारी, स्थानीय बुद्धिजीवी तथा सर्वसाधारणहरुको उपस्थिति रहेको थियो ।