७० औं प्रजातन्त्र दिवस तथा चौथो निर्वाचन दिवसको अवसरमा प्यूठानमा पनि विभिन्न कार्यक्रम गरिएको छ। विहान महेन्द्र मा.वि. खलंगावाट र्याली सुरु गरि जिल्ला समन्वय समितिको हलमा पुगेर औपचारीक समारोह गरिएको थियो।

प्रजातन्त्र दिवस जिल्ला समारोह समितिका संयोजक एवं जिल्ला समन्वय समितिका प्रमुख केशवराज आचार्यको अध्यक्षतामा भएको कार्यक्रममा स्वागत मन्तव्य राख्दै जिल्ला समन्वय समितिका उपप्रमुख पदम के.सी.ले तत्कालिन परिस्थितीमा जनताले संघर्ष गरेर प्रजातन्त्र स्थापना गरेको स्मरण गर्दै निर्वाचनले प्रजातन्त्रमा जनताको सहभागिता मजवुत गराउने वताउनु भयो।

कार्यक्रममा वोल्दै मल्लारानी गाँउपालीकाका अध्यक्ष अमरध्वज रानाले मुलुकमा आजको परिवर्तनको जग प्रजातन्त्र स्थापनाको आन्दोलन भएको वताउनु भयो। प्रजातन्त्र स्थापनाको निम्ती वलिदानी दिने सहिदहरुप्रती श्रद्धाञ्जली व्यक्त गदै उहाँले ईतिहासको ठिक मुल्यांकन गरि आजको परिस्थितीमा अगाडि वढनुपर्ने वताउनु भयो।

कार्यक्रमको समापन गर्ने क्रममा जिल्ला समारोह समितिका संयोजक आचार्यले आजको राजनीतिक उपलव्धिको ग्रहण गर्नुपुर्व ईतिहासको स्मरण र सहि कुराको सम्मान गर्नुपर्ने वताउनु भयो। साथै व्यवस्था मजवुत हुन निर्वाचनको महत्वपुर्ण भुमिका हुने वताउनु भयो।

हरि भण्डारीले सञ्चालन गर्नुभएको कार्यक्रममा जिल्ला न्यायधिस विष्णुप्रसाद गौतम, प्रमुख जिल्ला अधिकारी कृष्ण प्रसाद पन्थ, जिल्लास्थित सरकारी कार्यालयका प्रमुखहरु, जिल्ला निर्वाचन अधिकृत, तिनवटै सुरक्षा निकायका प्रमुख र प्रतिनिधीहरु, निजामती कर्मचारी लगायतको उपस्थिती रहेको थियो।