गत मंसिर ७ गते आगोलागीका कारण घर र गोठ जलेर घरवारविहिन भएका प्यूठान नगरपालिका ५ जुम्रीकाँढा पुर्णागाउँ निवासी मति खड्काको परिवारलाई
भारतमा रहेका नेपालीले पठाएको राहत दिईएको छ ।
नेपाली जनसेवा समाज तामिलनाडु चेन्नैले भारतमा संकलन गरेको रकम संस्थाका संस्थापक अध्यक्ष मिठु पुरीमार्फत प्राप्त गरि प्यूठान नगरपालीका वर्डा नं ५ का अध्यक्ष लक्षुमन भण्डारीले पिडित परिवारलाई हस्तान्तरण गरेका हुन। मंसिरमा आगोलागी भएको घर अहिलेपनी निर्माणाधिन अवस्थामा रहेको छ। उक्त घटनावाट करिव ४ लाख ५० हजार बराबरको क्षति भएको पिडित टोप वहादुर खडकाले वताए। आगलागीका कारण घरमा रहेका अन्नपात र लत्ताकपडा सवै जलेर नस्ट भएपछी वारीमा मकैको डाँठले वारेको छाप्रोमा खडका परिवारले दिन विताईरहेको छ।
पिडित परिवारलाई नेपाली जनसेवा साउथ इन्डिया तामिलनाडु चेन्नै नामक संस्थामा आवद्ध रहेका नेपालीको पहलमा रकम संकलन गरी पठाएको रु. ३० हजार सहयोग रकम हस्तान्तरण गरिएको हो। संस्थाका संस्थापक अध्यक्ष प्यूठान न.पा. ८ खप्रेङखोला निवासी मिठु पुरीको नेतृत्वमा उक्त रकम मतिको घरमै पुगेर हस्तान्तरण गरिएको छ । आर्थिक उपार्जन गर्नका लागि परदेशिएका नेपालीहरुले कामदरको रुपमा चेन्नईमा संकलन गरेको रकम
पिडित खड्का परिवारलाई प्रदान गरिएको हो ।

जुम्रीकाँढाका अग्नी पिडितलाई राहत वितरण(भिडियो)